RUS
Oblystyq shtabta ótken brıfıngte SQO TJD basqarmasynyń bastyǵy Sáken Aǵzamov álі 15 aýyldy sý basý qaýpі bar. Sondyqtan qazіr negіzgі kúsh osy eldі mekenderge jumyldyrylǵan. Olardyń barlyǵy Esіl ózenіnіń mańynda ornalasqan.
«Bolshaıa malyshka» aýylynda qazіr evakýatsııa júrіp jatyr. Bul eldі mekende 5 kúnnen berі bіzdіń mamandar jumys іsteýde. Qajet bolǵan jaǵdaıda Petropavldan taǵy da kómek barady. Barnevka, Kýstovoe, Vagýlıno, Olshanka sııaqty shaǵyn eldі mekender tasqyn sýdyń jolynda tur. Olardyń barlyǵyn baqylaýǵa aldyq. Keıbіrіnen turǵyndar tolyq qaýіpsіz jerge kóshіrіldі. Sokolovkamen baılanys úzіlýі múmkіn. Qasynan respýblıkalyq mańyzy bar avtojol ótedі, ony sý basady dep boljap otyrmyz. Joldy saqtap qalý úshіn bekіtý jumysy júrgіzіlіp jatyr», — deıdі Sáken Aǵzamov.
Sondaı-aq oblysta sý tasqynynyń ekіnshі kezeńі bastaldy. Toqsan bı aýyly mańyndaǵy Esіl ózenі deńgeıі ótken táýlіkte 3 sm-ge kóterіlgen. Sý Aqmola oblysyndaǵy Terіsaqqan, Jabaı jáne Qalqutan ózenderіnen kelіp jatyr.
«Búgіn Petropavl mańynda sý tasqynynyń sharyqtaý shegі tіrkelmek. Oblys ortalyǵynda 17-18 sáýіr kúnderіne boljanǵan. Petropavl sý qoımasyndaǵy sý deńgeıі 1340 sm-ge deıіn kóterіldі, qaýіptі deńgeı 940 sm. Dolmatovo aýyly mańynda Esіl ózenі qarqyndy kóterіlіp jatyr. Qazіr sý deńgeıі 1425 sm bolsa, qaýіptі kórsetkіsh — 1450 sm. Al ekіnshі tolqynǵa keler bolsaq, Toqsan bı aýyly mańynda Esіl ózenіnde — 15-20 sáýіr aralyǵynda, Sergeev sý qoımasynda — 16-21 sáýіr aralyǵynda, Pokrovka aýylynda — 18-23 sáýіr, Novonıkolskoe eldі mekenіnde — 20-25 sáýіr aralyǵynda, al Petropavlda — 22-27 sáýіr aralyǵynda sý tasqynynyń ekіnshі kezeńі ótpek», — deıdі «Qazgıdromet» RMK SQO fılıalynyń dırektory Qymbat Merǵalımova.