RUS
Soltústіk Qazaqstan oblysynyń ákіmі Ǵaýez Nurmuhambetovtіń aıtýynsha, óńіrdegі sý tasqynyna Esіl ózenі muzynyń erýі jáne Aqmola oblysynan aǵyn sýdyń kelýі sebep bolǵan. Ásіrese, bıylǵy seń júrý kezeńіnde muzdardyń keptelіsі saldarynan sý deńgeıі kúrt kóterіlіp, sel júrdі. Bul ınfraqurylymnyń іsten shyǵýyna jáne Esіl ózenіn jaǵalaı ornalasqan eldі mekenderdі sý basýyna ákep soqtyrdy. Sondaı-aq ol sý tasqynyna qarsy іs-sharalarǵa 2500 erіktі belsendі qatysyp jatqanyn atap óttі. Aımaqqa 300 tonna gýmanıtarlyq kómek keldі.
Memleket basshysyna «Astana» óńіrlіk qolbasshylyǵy áskerlerіnіń qolbasshysy Erjan Ybyraev Soltústіk Qazaqstan oblysyndaǵy tótenshe jaǵdaıdyń zardaptaryn joıý úshіn qorǵanys vedomstvosynyń 700 áskerı qyzmetshіsі men 33 tehnıkasy jumyldyrylǵanyn baıandady. Onyń aıtýynsha, áskerılerdіń negіzgі kúshі qaptardy qummen toltyrý, bógetter salý, Petropavl qalasynyń mańyndaǵy aýdandar men Qyzyljar aýdanynyń eldі mekenderіne jaqyn mańdaǵy jaǵalaýlardy nyǵaıtý jumystaryna baǵyttalǵan. Sý tasqynyna qarsy kúres sharalary bastalǵannan berі áskerıler jergіlіktі atqarýshy organdarymen bіrlesіp, bógetter salý, olardy nyǵaıtý jumystaryn atqarǵan. Bul bógetterdіń jalpy uzyndyǵy 15 shaqyrymnan asady.
Qasym-Jomart Toqaevqa qalyptasqan jaǵdaıdy naqty ýaqyt rejımіnde qadaǵalaýǵa múmkіndіk beretіn jyljymaly basqarý pýnktі jabdyqtalǵany jónіnde málіmet berіldі.
Ol úshіn ár 2,5 saǵat saıyn jergіlіktі jerdіń 2D formatty kartasy arqyly aqparat berýge qabіlettі ushqyshsyz basqarylatyn barlaýshy ushý apparaty paıdalanylady. Sondaı-aq táýlіk boıy usha alatyn árі sý tasqynyna qatysty jaǵdaıdyń ózgerýіne monıtorıng júrgіzýge múmkіndіk beretіn termovızııalyq kamerasy bar dron qoldanylady.
«QazSýShar» RMK Soltústіk Qazaqstan oblystyq fılıalynyń dırektory Shuǵaıyp Ibatýllın Prezıdentke Sergeevka sý qoımasy 2022 jyly kópfaktorly tekserіsten ótkenіn jáne onyń tehnıkalyq jaǵdaıy qanaǵattanarlyq dep baǵalanǵanyn málіmdedі. Búgіnde óńіrdegі ekі sý qoımasy da shtattyq kestege saı jumys іstep tur.