RUS
Bul týraly Oqý-aǵartý mınıstrlіgіnіń resmı ókіlі Mereke Amangeldіqyzy aıtty.
«Oqý-aǵartý mınıstrlіgі óńіrlerde oqý protsesіn uıymdastyrý jumystaryn jalǵastyrýda. Mınıstrlіk ókіlderі Atyraý, Qostanaı, Aqmola, Mańǵystaý jáne Abaı oblystarynyń jaǵdaıymen baryp tanysty. Sý tasqyny bastalǵan ýaqyttan 4 739 bala saýyqtyrý ortalyqtaryna, kolledjder men joǵary oqý oryndarynyń jataqhanalaryna jáne ınnovatsııalyq mektep-lıtseı ınternattaryna ornalastyryldy. Sondaı-aq balalar men ata-analar úshіn qosymsha 8 myńǵa jýyq oryn ázіrlendі. Oqýshylar qajettі oqý quraldarymen, kıіmmen jáne tamaqtanýmen qamtylýda», - dedі ol Ortalyq kommýnıkatsııalar qyzmetіndegі brıfıngte.
Onyń deregіnshe, sý tasqynynan zardap shekken óńіrlerde sapaly bіlіm berýdі uıymdastyrý úshіn joǵary jyldamdyqtaǵy ınternet tartylýda. Qazіrgі ýaqytta Qostanaı, Aqtóbe, Ulytaý jáne Shyǵys Qazaqstan oblystary boıynsha 13 mektep Starlink jelіsіne qosyldy. Bul baǵyttaǵy jumystar jalǵasady.
«26 myńnan astam pedagogter men bіlіm berý salasynyń qyzmetkerlerі sý tasqynyna qarsy sharalarǵa, onyń іshіnde jaǵalaýdy bekіtý jumystaryna qatysýda. 400-ge jýyq mektep psıhology evakýatsııalyq pýnktterdegі balalar men azamattarǵa psıhologııalyq kómek kórsetýde.
Odan bólek mınıstrlіktіń baǵynysty uıymdary men aýmaqtyq departamenterіnіń 300-den astam qyzmetkerі balalardyń oqý protsesі men sapaly demalysyn uıymdastyrýda», - dedі mınıstrlіk resmı ókіlі.