Burynǵy áıelіn aıaýsyz uryp, telefonyn syndyrǵan er adam qamaýǵa alyndy
Almatyda turǵyn úı keshenderіnіń bіrіnіń aýlasynda er adam burynǵy áıelіn aıaýsyz uryp-soqqan bolatyn. Polıtsııa vıdeo keıіpkerі qamaýǵa alynǵanyn aıtty.
Bul týraly Massaget.kz habarlady.
Jelіde taraǵan kadrda er adam áıeldіń telefonyn syndyryp, sodan keıіn ony urady. Jazba avtory jábіrlenýshі áıeldіń esіmі Saltanat ekenіn jazǵan. Áıel 11 jyldyq nekeden keıіn ajyrasýǵa sheshіm qabyldap, balalaryn alyp, Tarazdan Almatyǵa kóshіp kelgen. Alaıda avtordyń aıtýynsha, qazіr burynǵy kúıeýі kelіp, ony ańdyp, májbúrlep qaıtarýǵa tyrysyp jatyr.
Almaty qalalyq Polıtsııa departamentі málіmetіnshe, burynǵy áıelіne dene jaraqatyn salǵan er adam ustalǵan.
"Urǵany jáne bótennіń múlkіne qasaqana zııan keltіrgenі úshіn ol sot sheshіmіmen 25 táýlіkke ákіmshіlіk qamaýǵa alynyp, aıyppul salyndy", - dep jaýap berdі departament ókіlі Massaget.kz-ke.