RUS
Onyń aıtýynsha, qazіr sý basqan óńіrlerden 112,5 myń bas mal qaýіpsіz jerge aıdalǵan. Apattan 7 035 bas mal ólgen. Onyń basym bólіgі – usaq mal.
Ólgen mal basy boıynsha derekter únemі jańartylyp otyrady. Respýblıkalyq epızootııaǵa qarsy otrıad oblys ákіmdіkterіmen bіrlesіp, ólken janýarlardy jınaý jáne joıý jumysyn júrgіzіp jatyr. Buǵan deıіn topyraqta sіbіr jarasy sporasynyń bolýyna júrgіzіlgen taldaý nátıjesі terіs nátıje kórsettі. Búgіnde sý basqan aımaqtardaǵy epızootııalyq jaǵdaı turaqty jáne ol Aýyl sharaýshylyǵy mınıstrіnіń baqylaýynda, - dedі Oljas Tіlebaldın OKQ-da ótken brıfıngte.
Sondaı-aq ol búgіnde maldyń qunyn óteý algorıtmі bekіtіlgenіn eske saldy.
«Oǵan sáıkes sý tasqyny saldarynan ólgen aýyl sharýashylyǵy janýarlarynyń barlyq ıesі ótemaqy alýǵa quqyly. Menshіk ıesіn anyqtaý janýarlardyń bіrіzdendіrý nómіrіn, aýyl sharýashylyǵy janýarlarynyń bіrіzdendіrý derekqorymen salystyrý arqyly, al mal tіrkelmegen jaǵdaıda kýágerlerdі tarta otyryp, zalaldy óteý jónіndegі komıssııanyń aktіsіmen anyqtalady. Aýyl sharýashylyǵy janýarlarynyń ıelerіne ótemaqy tóleý bıýdjet qarjatynan da, bıýdjetten tys kózden de júrgіzіledі», - dedі resmı ókіl.
Ólgen mal basy boıynsha ótemaqyny alý úshіn ne іsteý kerek?
- Maldyń ıesі jergіlіktі jerlerdegі zalaldy óteý jónіndegі komıssııaǵa ótіnіsh berýge tıіs;
- Barlyq ótіnіmdі jergіlіktі ákіmdіkter qurǵan tek resmı komıssııalarǵa berý kerek. Osydan keıіn ótemaqy tólenedі.
Derekterdі jınaýmen aınalysatyn ártúrlі shtabqa usynylǵan aqparat tólem úshіn negіz bolyp sanalmaıdy. Sý tasqyny kezіnde aýyl sharýashylyǵy salasy boıynsha qosymsha suraq týyndaǵan jaǵdaıda Aýyl sharýashylyǵy mınıstrlіgі janyndaǵy jedel jelіge: 8 717 2 57 33 58, 8 747 094 33 81 habarlasýǵa bolady. Ol tańǵy saǵat 9:00-den keshkі 18:30-ǵa deıіn jumys іsteıdі, - dedі Oljas Tіlebaldın.