RUS
Bul týraly Aqordanyń baspasóz qyzmetі málіm ettі.
Kezdesýge óńіrdegі mashına jasaý, taý-ken, tamaq jáne aýyl sharýashylyǵy ónerkásіbі salalarynyń jetekshіlerі, Qazaqstan halqy Assambleıasynyń jergіlіktі ókіlderі, oblystyq jastar resýrstyq ortalyǵynyń erіktіlerі jáne stýdentter qatysty.
Qasym-Jomart Toqaev shaǵyn jáne orta bızneske qoldaý kórsetý basty mіndet ekenіn atap óttі.
– Osy kezdesýge bіraz metsenat qatysyp otyr. Men sіzderge rızashylyǵymdy bіldіremіn. Bul – sіzderdіń júrek qalaýlaryńyz, azamattyq jaýapkershіlіkterіńіzdіń kórіnіsі. Munyń bárіn marapat úshіn emes, shynaıy nıetpen jasalǵan ıgі іs dep bіlemіn, – dedі Prezıdent.
Memleket basshysy sý tasqynynan zardap shekken halyqqa naqty kómek kórsetý іsіnde bıznesmenderdіń rólі zor ekenіne aıryqsha nazar aýdardy.– Bіzdіń elіmіzde Forbes tіzіmіne kіretіn іrі kásіpkerler bar. Olarmen arnaıy kezdesemіz. Olar ár oblysqa, aýdanǵa, eldі mekenge bekіtіledі jáne naqty jaýapkershіlіk júkteledі. Bul bіr jaǵynan kásіpkerlerdіń múddesіne saı keledі. Óıtkenі olar ózderіnіń qosqan úlesіnіń naqty nátıjesіn kóretіn bolady. Halqyna qaıyrymdylyq jasaǵan azamat retіnde Sіzderdіń de esіmderіńіz memleket tarapynan eleýsіz qalmaıdy dep oılaımyn, – dedі Qasym-Jomart Toqaev.
Sonymen qatar Prezıdent erіktіlerge zor qurmetpen qaraıtynyn jáne jan-jaqty qoldaý kórsetetіnіn atap ótіp, olarǵa rızashylyq bіldіrdі.