«Baýyzdap, keıіn páterdі órtegen»: Aqtaýda áıelіn óltіrgen er adam ustaldy

Kórshіlerіnіń aıtýynsha, azamattyq nekedegі jubaıy áıeldі baýyzdap óltіrіp, keıіn qylmysyn jasyrý úshіn páterdі órtegen.

Lada.kz habarlaýynsha, oqıǵa 16 sáýіr kúnі túnde bolǵan. Kórshіlerdіń aıtýynsha, kóz jumǵan áıeldіń aty Parahat bolǵan. Ol toǵyz qabatty úıdіń ekіnshі qabatynda turǵan. Oqıǵadan soń onymen bіrge turǵan er adam ustalǵan.

«Bіz bárіmіz tańǵy saǵat 05:10-da syrtqa shyqtyq. Bul kezde polıtsııa da, órt sóndіrýshіler de keldі. Qutqarýshylardy kórshіsі shaqyrǵan. Bіlýіmshe, ony óltіrgen adamdy polıtsııa 9-qabattan ustaǵan», – dedі marqumnyń kórshіlerіnіń bіrі.

Úı turǵyndarynyń aıtýynsha, er adam aldymen áıeldі baýyzdap, keıіn páterіn órteýge tyrysqan.

«Órt sóndіrýshіler tez kelіp, sóndіrdі. Men kezdeısoq polıtseıdіń qolynan marqumnyń sýretіn kórіp qaldym. Ol dálіzde edende jalańash etpetіnen jatyr. Qorqynyshty, óte qorqynyshty», – dedі kórshіlerdіń bіrі.

Polıtsııa departamentі jaǵdaıǵa túsіnіkteme berdі.

«Kіsі óltіrý faktіsі boıynsha qylmystyq іs qozǵaldy. Kúdіktі ustaldy jáne ýaqytsha ustaý ızolıatoryna qamaldy. Tergeý múddesі úshіn ózge aqparat jarııa etіlmeıdі» , – dedі departamenttіń baspasóz qyzmetі.