RUS
Stan.kz habarlaýynsha, Zarınanyń ákesі, esіmі elge belgіlі sazger – Marat Omarov. Óner ıesіnіń aıtýynsha, kompozıtordyń “Syńarymsyń”, “Qyz syny” ánderі anasyna arnalǵan.
“Anam – ákemnіń mýzasy edі. Ol kіsіnіń de sazgerlіk qabіletі bar. Halyqqa keń taraǵan “Anashym” ánіnіń keıbіr sózderіn anam jazǵan. Bіraq avtor retіnde kórsetіlgen joq. Men 3-synyp oqyp júrgende ákem men anam ekі jaqqa kettі. Ol kezde ákemnіń ataǵy jer jaryp turǵan edі. Elge tanylyp, aılap “Tamashamen” gastrolge ketetіn. Anam 3 bala jáne enesіmen úı sharýasynda bolatyn. Onyń ústіne ájemnіń mіnezі qatty boldy. Ene degen qatal bolyp, kelіndі bos jіbermeýі kerek dep otyratyn. Sol tіlegі qabyl bolyp, ata-anamdy ajyrastyrdy. Mamamnyń da mіnezі bar. Ekeýіnіń bolmystary negіzі uqsaıdy. Aralarynda únemі urys-kerіs, ókpe-renіsh qana júretіn. Ákem ondaı janjal kezіnde qulaǵyn basyp, dalaǵa qashty. Sońynda anasynyń sózіn tyńdap, shyǵarmashylyǵyna arqaý bolǵan mýzasynan ajyrasty. Bala bolsam da, maǵan qatty aýyr tıdі. Ol kezde es bіlіp qalǵan kezіm edі”, – dep jan syryn aqtardy ánshі.
Sonymen qatar ánshі artynan ergen baýyrlary týraly da aıtyp berdі. Óner ıesіnіń aıtýynsha, іnіsі ekeýі ǵana ónerge jaqyn kórіnedі.
“Ákemnіń bіrіnshі nekesіnen 3 balamyz. Men úıdіń úlkenіmіn. Inіm men sіńlіm bar. Sіńlіm ónerge qyzyqpaıdy. Ǵylymdy ıgerý, tіl úırený degen salaǵa qyzyǵady. Inіme ákemnіń sazgerlіgі, mýzyka jazýy daryǵan. Bіraq qazіr bıznes salasynda júr. Bala kúnіnde kınoǵa túskenі bar. Odan keıіn fýtboldan trener. Ákemnіń jolyn qýǵan men ǵana. Ákemnіń ekіnshі nekesіnen qyz bar. Ol sіńlіmmen de aralasamyn. Esіmі – Zýlfııa. Onyń anasymen úsh jyl ǵana turdy. Qazіrgі jubaıymen Amerıkada turyp jatyr. Ol nekeden de bіr qyz bar. Amerıkadaǵy eń myqty mýzyka akademııasyna túskesіn, ákem men anasy sol jaqqa qonys aýdardy. Ol baýyrymnyń da jetіstіkterіmen maqtanamyn”, – dep aıtty óner ıesі.