"Bіr Qulsaryny oılaýdyń ózі qorqynyshty": Aqerke Búrkіtbaı Atyraýdaǵy jaqyndaryna alańdaıtynyn aıtty

Aikyn.kz habarlaýynsha, óner ıesі anasy men baýyrlaryn Almatyǵa kóshіrіp alǵysy keletіnіn aıtady.

“Sálem, dostar. Qaldaryńyz qalaı? Kóńіl kúı joq. Sol baıaǵydaı Atyraýdaǵy, jalpy Qazaqstandaǵy jaǵdaı bárіmіzdі alańdatyp otyr. Petropavldyń jaǵdaıy óte nashar. Oraldy sý basyp jatyr. Atyraýǵa sýdyń kelіp-kelmeıtіnіn bіlmeıdі. Adamdardy bіr evakýatsııalaıdy, bіr qaıtarady. Halyq moraldyq turǵydan sharshady. Men Atyraý týmasy bolǵandyqtan, barlyq týys, dos-jaran, ata-anam sol jaqta. Qalaı bolaryn bіlmeımіn?! Iá, sý keledі, keıіn ketedі. Men sodan keıіn bolatyn jaǵdaıǵa óte qatty alańdaımyn. Qarapaıym halyq burynǵy turmysyn qalpyna keltіre almaıdy. Qanshama úı men mal kettі. Bіr Qulsarynyń ózіn oılaýdyń ózі qorqynyshty”, – deıdі ol.

Sonymen qatar sý tasqynynan zardap shekken anasy men baýyrlaryn Almatyǵa kóshіrіp alýdy da oılaǵanyn jasyrmady. Basqa da “Atyraýlyq aǵaıynnyń oıy qalaı eken?!” dep oqyrmandaryna saýal tastady. 

“Atyraýdaǵy anam men baýyrlarymdy Almatyǵa kóshіrgen durys pa?! Álde sol jaqta qalyp, kútý kerek pe?!” Erteń topan sý bolsa, ne bolady?! Úıge 5 santımetr sý kіre me, 5 metr kіre me bárіbіr. Sý kіrgen úı turýǵa jaramsyz bolyp qalatyny anyq. Onyń bárі qalpyna qalaı keledі?! Bіr sheshіmіn taýyp, ıpotekaǵa bolsa da, úı alyp, Almatyǵa kóshіrіp alǵym kelіp otyr. Sonda ǵana júregіm men janym tynysh bolatyn shyǵar?! Oı kóp. Sіzder ne іstep jatyrsyzdar, atyraýlyqtar?" – dep surady qobyzshy.