RUS
Belgіlі bolǵandaı, Qazaqstan Respýblıkasynyń azamaty 43 jastaǵy er adam bіr jyldan astam ýaqyt buryn Reseı azamattyǵyn alǵan. Alaıda ol bul týraly qoldanystaǵy zańnamada belgіlengen merzіm іshіnde habarlamaǵan. Quqyqbuzýshyǵa qatysty tıіstі bap boıynsha ákіmshіlіk hattama toltyryldy. Materıal keıіnіrek aýdandyq sotta qaralyp, onyń qaýlysymen sheteldіktі elden shyǵarý týraly sheshіm qabyldanǵan.
Tájіrıbe kórsetkendeı, quqyqbuzýshylardyń qos azamattyq alýynyń bіrneshe sebepterі bar. Atap aıtqanda, memlekettіk shekarany kedergіsіz kesіp ótý, materıaldyq artyqshylyqtar alý, zeınetaqy esebі, muraǵa ıe bolý, bala týylǵan kezdegі járdemaqy, joǵary oqý oryndaryna túsý kezіnde jeńіldіkke ıe bolý.
Jyl basynan berі ShQO kóshі-qon qyzmetіnіń qyzmetkerlerі qos azamattyǵy bar 15 azamatty anyqtaǵan. Olardyń 5-eýі Qazaqstan aýmaǵynan shyǵaryldy.
ShQO polıtsııa departamentі basqa eldіń azamattyǵyn qabyldaǵan kezde QR azamaty 30 kún merzіm іshіnde іshkі іster organdaryna nemese shet memlekettіń aýmaǵyndaǵy Qazaqstannyń dıplomatııalyq ókіldіgіne habarlaý arqyly Qazaqstan azamattyǵynan aıyrylǵany týraly málіmdeýі, sondaı-aq QR pasporty men jeke kýálіgіn tapsyrýy qajet ekenіn eskertedі.