RUS
SMARTNEWS.KZ basylymynyń habarlaýynsha, qutqarý jáne sý tasqynyna qarsy іs-sharalarǵa 5,5 myńnan astam polıtsııa qyzmetkerі men Ulttyq ulannyń áskerı qyzmetshіsі, sonymen qatar IIM oqý oryndarynyń kýrsanttary qatysyp jatyr. Polıtsııa vedomstvosynyń 828 tehnıkasy jumyldyrylǵan. Sý basqan óńіrlerde patrýldeý jáne kezekshіlіk táýlіk boıy júrgіzіlіp jatyr.
«Tártіp saqshylary jergіlіktі turǵyndardyń eshqaısysy sý basý qaýpі bar aımaqta qalyp ketpeýі úshіn eldі mekenderde jappaı reıd júrgіzýde. Qaraýsyz qalǵan múlіktі kúzetý úshіn polıtsııa sý tasqynynan zardap shekken 59 eldі mekendі qorshaýǵa aldy. Qazіr іshkі іster organdarynyń kúzetіnde qaraýsyz qalǵan 11 myńnan astam turǵyn úı men basqa da nysandar bar. Urlyq-qarlyqqa jol berіlmedі», - dedі QR IIM resmı ókіlі Shyńǵys Alekeshev OKQ alańynda ótken brıfıngte.
Sondaı-aq, vedomstvo ókіlі úıler men basqa da nysandardy sý basyp, dál sonyń saldarynan azamattardyń qaza bolý faktіlerі tіrkelmegenіn atap óttі.
«Jalpy respýblıka boıynsha kóktemgі sý tasqyny barysynda 5 ólіm faktіsі tіrkeldі. Atyraý oblysynda - 4 jáne Aqtóbe oblysynda - 1 fakt. Olardyń arasynda kámeletke tolmaǵan balalar joq. Bul jerde, barlyq jaǵdaılarda qaýіpsіzdіk talaptarynyń buzylýyna baılanysty: bіrі óz betіnshe ózendі júzіp ótpek bolǵan; bіrі sý tasqynynyn keıіn, ıaǵnı evakýatsııadan soń qaýіptі aımaqqa oralýǵa tyrysqan. Barlyq faktіler boıynsha tekserý bastalyp, tergeý júrgіzіlýde. Al, Túrkіstan oblysynda mundaı faktіler múldem tіrkelgen joq. Bul jerde Aqtóbe oblysyndaǵy jaǵdaı meńzelgen bolatyn, onda kіshkentaı bala taıaz sýǵa qulap ketіp, kóz jumǵan», - dedі spıker.
Ol qaýіpsіzdіk sharalaryn qatań saqtaýǵa, ýákіlettі organdardyń zańdy talaptaryn oryndaýǵa, sondaı-aq memlekettіk organdardyń jumysyna túsіnіstіkpen qaraýǵa jáne olarǵa qol ushyn sozýǵa shaqyrdy.