RUS
SMARTNEWS.KZ basylymynyń habarlaýynsha, jelіdegі vıdeo 2 mıllıonnan astam qaralym jınap, qyzý talqyǵa tústі.
Vıdeo avtory advokattyń oǵash іs-qımyly túsіrіlgen vıdeo astyna “nasybaı” degen jazba qaldyrǵan.
Jelі qoldanýshylarynyń keıіbіrі muny ázіlge aınaldyrsa, endі bіrі dárі іshіp otyrǵanyn aıtyp, advokatty aqtady.
“Bіlgenіn іstep otyr”, “Bıshіmbaevtan buryn sottalyp keter me eken?”, “Úkіmet nasybaıǵa tyıym saldy, bular álі qoımaı júr”, “Báse mıǵa syımaıtyn suraqty qaıdan qoıady desem”, “Bıshіmbaev advokat tańdaýda qatelespeptі”, “Bul nasybaı emes, ony bulaı aýzyna sala almas edі”, “Nasybaı emes jańǵaq deıdі keıіn”, “Dárі shyǵar”, “Nasybaı atyp, advokat rahatqa batyp otyr”, – dedі pіkіr qaldyrýshylar.
Advokat Erlan Ǵazymjanovtyń osyǵan deıіn sotta uıyqtap qalǵan vıdeosy da kóptіń nazaryn aýdarǵan edі.
Stan.kz tіlshіsі Astana qalalyq sotynyń baspasóz qyzmetіnen osy vıdeoǵa qatysty pіkіr suraǵan.
“Ol jerde eshqandaı nasybaı bolǵan emes. Kіshkentaı usaq, kámpıtter turǵan. Vıdeonyń qaı kezde taraǵanyn bіlmedіk, bálkіm úzіlіste túsіp qalǵan shyǵar. Jelіdegі adamdardyń “nasybaı” degendі qaıdan shyǵaryp alǵanyn túsіnbedіk. Bіz ol jerde ne bolǵanyn, qandaı zat bolǵanyn surastyryp bіldіk. Alaıda bul nasybaı emes, usaq kámpıtter”, – dedі qalalyq sottyń baspasóz qyzmetі.