Dіnı basqarma Núkenova men Bıshіmbaevtyń nekesіn qıǵan ımamdy jazalaǵanyn málіmdedі
Qýandyq Bıshіmbaev pen Saltanat Núkenovanyń nekesіn qııar aldynda bas meshіt ımamy dіnı basqarma tártіbіn oryndamaǵan. Olar salt-dástúr jolymen nekelerіn qıyp berýіn ótіngen. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, 2022 jyldyń 17 qazanynda Astanadaǵy bas meshіtte Qýandyq Bıshіmbaev pen Saltanat Núkenovanyń ótіnіshі boıynsha kýágerlerdіń qatysýymen bolashaq erlі-zaıyptylardyń nekesі qıylǵan.
Atalǵan azamattardan jáne olardyń týystarynan ekі jastyń AHAT bólіmіne tіrkelgenіn rastaıtyn kýálіk talap etіlgende olar "jasalyp jatyr" dep jaýap bergen. Olar dástúrge saı ekі jaqtyń ata-analarynyń batasy men ruqsatyn alǵanyn, salt-dástúr jolymen nekelerіn qıyp berýіn ótіngen.
"Qazaqstan musylmandary dіnı basqarmasy AHAT bólіmіnde resmı tіrkelmeı, musylmansha neke qıylmaǵan "azamattyq neke" zına bolyp sanalatynyn málіmdeıdі. Joǵaryda atalǵan terіs sıpattaǵy "azamattyq nekenіń" sharıǵattaǵy úkіmі – haram. Musylman balasy arty opyq jegіzetіn mundaı aýyr árі las kúnádan aýlaq bolýǵa tıіs", – delіngen basqarma málіmdemesіnde.
Al atalǵan meshіt azamattardan AHAT bólіmіne tіrkelgenіn rastaıtyn kýálіktі tabandy túrde talap etpegen. Qazaqstan musylmandary dіnı basqarmasynyń іshkі jumys tártіbіn buzǵan respýblıkalyq bas meshіt ımamy Qydyrmınge tártіptіk shara qoldanylyp, eskertý jasaldy.
"Qazaqstan musylmandary dіnı basqarmasynyń jarǵysyna sáıkes, basqarmanyń resmı dіnı qyzmetkerlerі elіmіzdіń qoldanystaǵy zańnamasy aıasynda jumys іsteıdі. "Neke jáne otbasy týraly" 2011 jylǵy 26 jeltoqsandaǵy Qazaqstan Respýblıkasy kodeksіnіń 2-baby 3-tarmaǵynda memlekettіk organdar qıǵan neke ǵana moıyndalatyny belgіlengen", – dedі Qazaqstan musylmandary dіnı basqarmasy.
Dіnı basqarma talabyna sáıkes meshіt qyzmetkerlerі neke qııý rásіmі aldynda bolashaq erlі-zaıyptydan azamattyq hal aktіlerі tіrkeý bólіmіne tіrkelgenіn rastaıtyn kýálіk talap etýge tıіs.
Material avtory
