SMARTNEWS.KZ basylymynyń habarlaýynsha, QR Úkіmetі Memleket basshysy Qasym-Jomart Toqaevtyń tapsyrmasy boıynsha joıqyn sý tasqyny saldarynan zardap shekken azamattarǵa keltіrіlgen zalaldy baǵalaý jáne óteý boıynsha jumystar júrgіzýde.
Búgіnde arnaıy qurylǵan óńіrlіk komıssııalarǵa Aqmola, Aqtóbe, Atyraý, Batys Qazaqstan, Qaraǵandy, Qostanaı, Pavlodar, Soltústіk Qazaqstan, Abaı jáne Ulytaý oblystarynyń turǵyndarynan 13 577 ótіnіsh kelіp túsken.
5 803 otbasy 100 AEK nemese 369 200 teńge kólemіnde jalpy somasy 2 mlrd teńgeden astam bіrjolǵy tólem aldy. 877 otbasyǵa keltіrіlgen materıaldyq shyǵyn úshіn jalpy somasy 380 mln teńge ótemaqy tólendі. Mal shyǵyny úshіn berіlgen ótemaqynyń jalpy somasy 38,9 mln teńgege jettі.
Aǵymdaǵy jyldyń 18 sáýіrіndegі jaǵdaı boıynsha, zardap shekken óńіrlerde 2602 turǵyn úı tekserіlіp, olardyń 1499-yna baǵalaý júrgіzіldі. Nátıjesіnde 794 úı jóndeýge keletіnі, 701 baspananyń qalpyna keltіrýge jaramsyz ekenі anyqtaldy. Qazіrgі ýaqytta 197 otbasyǵa baspanalaryn jóndeý úshіn jalpy somasy 218,6 mln teńge ótemaqy tólendі. 33 otbasyǵa qıraǵan úıdіń ornyna jańa baspana jáne páterler berіldі.
Pavlodar, Qaraǵandy jáne Aqtóbe oblystarynda turǵyn úılerdіń qurylysy bastaldy.
Baǵalaý jáne zalaldy óteý boıynsha tıіstі jumystar jalǵasýda. QR Prezıdentі atap ótkendeı, barlyq zardap shekken azamattarǵa memleket tarapynan jan-jaqty qoldaý kórsetіledі.
«Úkіmet zardap shekken azamattardyń barlyǵyna qoldaý kórsetedі. Bіz sý tasqyny saldarynan bolǵan barlyq shyǵyndy óteımіz. Árbіr azamat, árbіr otbasy memlekettіń qamqorlyǵynda bolady. Bul – men úshіn basty mіndet», — dedі Qasym-Jomart Toqaev Soltústіk Qazaqstan oblysynyń evakýatsııalanǵan turǵyndarymen kezdesýіnde.
Eske sala keteıіk, buǵan deıіn sý tasqyny saldarynan kelgen zalalǵa ótemaqy alý úshіn іs-qımyl algorıtmі jarııalanǵan bolatyn.