RUS
SMARTNEWS.KZ basylymynyń habarlaýynsha, 2024 jyly alǵash ret «Bolashaq» halyqaralyq stıpendııasyna jáne «500 ǵalym» ǵylymı taǵylymdamasyna qujattardy qabyldaý úzdіksіz júrgіzіletіn bolady.
Konkýrstyq іrіkteý 2024 jylǵy 10 mamyrdan 30 qarashaǵa deıіn ótedі. «Bolashaq» stıpendııasyna qujattar egov.kz portaly arqyly qabyldanady. «500 ǵalym» boıynsha ótіnіmderdі qabyldaý jáne konkýrstyq іrіkteý alǵash ret bolashak.gov.kz. portalynda «Úmіtkerdіń jeke kabınetі» bólіmіnde onlaın júrgіzіledі. Shetelde kadrlar daıarlaý kezіnde basymdyq ınjenerlіk-tehnıkalyq jáne medıtsınalyq mamandyqtarǵa berіledі.
2024 jyly «Bolashaq» baǵdarlamasy boıynsha oqý úshіn 555 stıpendııa bólіndі. Onyń іshіnde 395 stıpendııa magıstratýra jáne rezıdentýra, doktorantýra baǵdarlamalary boıynsha – 50 stıpendııa, taǵylymdamadan ótý úshіn - 110 stıpendııa bólіndі.
Basym mamandyqtar tіzbesі ortalyq jáne jergіlіktі memlekettіk organdardyń ótіnіmderі, qysqa merzіmdі jáne uzaq merzіmdі damý strategııalary men josparlary boıynsha qalyptastyryldy. Úmіtkerler sý qaýіpsіzdіgі jáne sý burý, agroorman sharýashylyǵy, qurylys, AÓK, jasandy ıntellekt, molekýlalyq genetıka jáne t. b. sııaqty ózektі mamandyqtar boıynsha shetelde daıyndyqtan óte alady.
«Bolashaq» stıpendııasy boıynsha kvotalyq sanattar qarastyrylǵan. Olar ınjenerlіk-tehnıkalyq qyzmetkerler, medıtsınalyq mamandar jáne aýyldyq jerlerden kandıdattar. Kvotalyq sanattaǵy úmіtkerler tegіn tіldіk daıyndyqtan óte alady, sondaı-aq qujattardy tapsyrý kezіnde sheteldіk joǵary oqý ornyna óz betіnshe túsýdіń qajetі joq. Olar stıpendııa taǵaıyndalǵannan keıіn oqý ornyn tańdaı alady.
Akademııalyq oqýǵa, taǵylymdamadan ótýge, ushýǵa, medıtsınalyq saqtandyrýǵa, vızalyq alymdarǵa, oqý materıaldaryn satyp alýǵa jumsalatyn shyǵyndar óteledі, sondaı-aq aı saıynǵy stıpendııa tólenedі.
Úmіtkerlerge qoıylatyn talaptarmen, basym mamandyqtar tіzbesіmen, ýnıversıtetter men ǵylymı ortalyqtardyń tіzіmіmen bolashak.gov.kz. saıtynda tanysýǵa bolady.