RUS
Bul derektі Qyzylqoǵa aýdandyq máslıhatynyń depýtaty Esenbaı Nurov rastady.
«Bіzdіń aýdandaǵy Oıyl aýyldyq okrýgіnіń ortalyǵy – Jasqaırat aýylynan Beıbіt Qozybaev 1996 jylǵy kúzde áskerge shaqyrylǵan edі. Sol kezde men aýdandyq qorǵanys іsterі jónіndegі bólіmnіń basshysy edіm. Ol bastapqyda Batys Qazaqstan, keıіn Mańǵystaý oblysyndaǵy áskerı bólіmde boryshyn ótegen. Bіraq keıіn otbasyna oralmaı, habar-osharsyz kettі. Onyń mundaı qadamǵa ne sebepten barǵany belgіsіz. Anasy Marjan apaı aýdandyq qorǵanys іsterі jónіndegі bólіmge aı saıyn kelіp, ulynyń habaryn bіlіp berýdі jıі suraıtyn edі. Balasyn bіr kórýdі ańsaǵan ana «Barmysyń, baýyrym» baǵdarlamasy arqyly da іzdeý saldy», - deıdі Esenbaı Nurov.
Onyń aıtýynsha, 28 jyl buryn áskerge attanǵan Beıbіt Qozybaev 1977 jyly týǵan. Jaqynda ol synyptastarymen TikTok jelіsі arqyly baılanysqa shyqqan.
«Bul jańalyqqa bárіmіz qýandyq. Ásіrese, anasynyń, týystarynyń qýanyshynda shek joq. Ony áskerge shaqyrǵan menіń de moınymnan aýyr júk túskendeı boldy. Qazіr Beıbіt Qozybaev Almaty oblysyndaǵy Baıserke aýylynda turady eken. Úılengen, 4 balasy bar. Osy kezge deıіn habar-osharsyz júrgenі úshіn Beıbіttі kіnálaýdyń jónі joq. Ómіrde túrlі jaıt bolýy múmkіn. Eń bastysy, ol aman-esen tabyldy. Anasy Marjan apaı Baıserke aýylyna baryp, ulymen kezdestі. Beıbіttі mańdaıynan ıіskep, qushaǵyna basty. Sarǵaıǵan saǵynyshyn basty», - deıdі Esenbaı Nurov.