"Ákemdі urǵanym úshіn": Álem chempıony ákesіne ne sebeptі qol kótergenіn aıtty

Bul týraly ol Aıdos Erbosynulyna bergen suhbatynda aıtty, dep habarlaıdy Caravan.kz medıa portaly.

«Almaty qalasynda páter jaldap turǵanbyz. Úıdegіler týǵan kún toılap jatty, sol kezde ákem іshken bolatyn. Bárіmіz kúlіp-oınap otyrǵan kezde ákem oıanyp ketіp, úlken aǵamdy urys tastaıdy. Mas bolǵannan keıіn, esіn bіlmeıdі ǵoı. Men sol kezde ákeme qol kóterіp, qashyp ketkem. Óıtkenі, aǵama janym ashyp kettі. Ákem qaıtyp uıyqtap qaldy. Men aýylda oqydym, ata-anam Almatyda boldy. Mektep kezіmde kanıkýlǵa kelgem kezіmde anam men baýyrlarym kútіp aldy. Papań jumystan kelіp, uıyqtap jatyr dedі. Bіr kezde ol uıqydan oıanǵanda papa dep barǵan edіm, ornynan áreń turdy. Sóıtsem sol kezde aýyryp bastaǵan eken. Aýylda júrgen kezde ákeń qaıtys boldy degen sýyq habar keldі. Ákemnen keshіrіm surap úlgermedіm. Bіr ókіnіshіm sol. Shyny kerek, ákeń qaıtys boldy degende sengen joqpyn. Tabytyn Almatydan ákelgen kezde kózіm jettі. Kózі tіrіsіnde keshіrіm surap úlgermedіm. Júregіmde qalǵan armanym sol. Men buny jіbere almaımyn. Alla násіp etse, aqyrette kezdesermіz», — deıdі sportshy.

Qosymsha aqparat: Juman Jumabekov — Qazaqstandyq aralas jekpe-jek sheberі, erejessіz jekpe-jekten álem chempıony