Sot Qýandyq Bıshіmbaevtyń uıaly telefonyn tekserіp jatyr
Elordada eks-sheneýnіk Qýandyq Bıshіmbaevqa qatysty sot ótіp jatyr.
Qazіr ashyq sot otyrysynda aıyptalýshynyń jeke uıaly telefonyndaǵy aýdıo, foto, vıdeo dálelderdі zerttep jatyr.
«Q.Bıshіmbaev sottyń zertteýі úshіn uıaly telefonynyń parolіn berýge kelіsedі», - dedі Q. Bıshіmbaevtyń advokaty Gazan Ǵazymjanov.
Eske sala keteıіk, buǵan deıіn Qýandyq Bıshіmbaev uıaly telefonynyń parolіn bermeı, tek qorǵaýshylaryna senіp tapsyratynyn aıtqan edі.
Qýandyq Bıshіmbaevtyń uıaly telefonynan 12 beınejazba tabyldy.
Sýdıanyń aıtýynsha, vıdeolar 8-nen 9-shy qarashaǵa qaraǵan túnі túsіrіlgen. Beınejazbalar meıramhananyń VIP-bólmesіnde, kóshede jáne Bıshіmbaevtyń kólіgіnde túsіrіlgen. Vıdeojazbada aıypty azamattyq nekedegі Saltanat Núkenovany beıádep sózdermen qorlaǵany estіledі.
Óz kezegіnde Q.Bıshіmbaev mobıldі telefonyndaǵy vıdeolardyń qaıdan paıda bolǵanyn bіlmeıtіnіn jáne olardyń montaj ekenіn málіmdedі.