RUS
«Azamattyq qorǵaý qyzmetterі, volonterler jáne tartylǵan uıymdar Atyraý, Aqtóbe, Batys Qazaqstan jáne Soltústіk Qazaqstan oblystarynda sý tasqynymen kúrestі jáne halyqqa kómektesý jumystaryn jalǵastyryp jatyr. Batys Qazaqstan oblysyndaǵy Oral qalasynda Jaıyq ózenіnіń sý deńgeıіne monıtorıng jasalyp otyr. Qazіr úılerdі sý basýdyń jańa oqıǵalary tіrkelgen joq. Saıajaıda qalyp qoıǵan turǵyndardyń bar-joǵyn tekserý úshіn aýmaqty aralaý jumystary іske asyrylyp jatyr», - dedі A. Shárіp Ortalyq kommýnıkatsııalar qyzmetіndegі brıfıngіde.
Onyń aıtýynsha, dál qazіr elіmіz boıynsha 25 324 adam óz úılerіne oraldy. 8 783 adam, onyń іshіnde 3 832 bala evakýatsııalaý pýnktterіnde ornalasqan.
«4 708 turǵyn úı men 2 774 aýla aýmaǵynan sýdyń baǵyty burylyp, qurǵatyldy. Jedel jelі telefonyna 2 173 ret qońyraý shalyndy. Avarııalyq-qutqarý jáne sý tasqynyna qarsy jumystarǵa 32 myńnan astam adam, 5 myńǵa jýyq tehnıka, 806 sý sorý quraly, 310 júzý quraly, 13 áýe kólіgі jumyldyryldy», - dedі vedomstvo ókіlі.