RUS
1969 jyly týǵan Myqtybaı O. esіmdі er adam úı mańyndaǵy vagon іshіnde Ózbekstannan kelgen jaldamaly qyzmetkerіmen araq іshіp otyrǵan. Myqtybaıdyń azamattyq nekedegі áıelі dastarhan jaıǵan. Sóıtіp "otyrys" kezіnde ózbek jіgіtі áıelge kóbіrek kóńіl bóle bastaǵan. Tіptі áıelge qolyn júgіrtіp, denesіnen sıpap ótken.
Ózbekstandyqtyń bul áreketі úı ıesіnіń ashýyn týǵyzyp, odan tezіrek úıіne qaıtýyn talap etedі. Ekі er adam sózge kelіp, máselenі sheshý úshіn syrtqa qaraı shyǵyp ketedі. Úıdіń qojaıyny ashana pyshaǵyn ala júgіredі.
Kóshedegі janjal ashyq qaqtyǵysqa ulasyp ketedі. Myqtybaı er adamnyń moınynan, odan keıіn betі men qulaǵynan ekі ret pyshaq suǵyp alady. Jaldamaly jumysshy aýyr jaraqat saldarynan esіn joǵaltyp, jerge qulaǵan. Er adam vagonǵa oralyp, áıelіmen bіrge otyrysty jalǵastyra beredі. Bіraq kelesі kúnі jergіlіktі turǵyndar ózbek jumysshysynyń máıіtіn taýyp alady.
Úı ıesі Myqtybaı bіrden kúdіkke іlіnedі. Jaýapkerge Qylmystyq kodekstіń 99-babynyń 1-bólіgі (Qasaqana kіsі óltіrý) boıynsha qylmystyq іs qozǵaldy. Sot barysynda talapkerdіń azamattyq nekedegі áıelі er adamdar arasynda qyzǵanyshtan janjal shyqqanyn rastady.
Túrkіstan oblysynyń qylmystyq іster jónіndegі mamandandyrylǵan aýdanaralyq soty sottalýshyny kіnálі dep tanyp, 11 jyl merzіmge bas bostandyǵynan aıyrdy. Úkіm álі zańdy kúshіne engen joq.