"2-3 jastaǵy sábılerdіń denesіn zertteý qıyn": Bıshіmbaev sotyndaǵy medıtsınalyq sarapshy jumysyndaǵy qıyndyqtar týraly

Bul týraly ol Dına Tólepbergenge bergen suhbatynda aıtty, dep habarlaıdy Caravan.kz medıa portaly.

«Ózіńnіń qyzyń bolsyn, bіreýdіń qyzy bolsyn olarǵa ana degen kózqaras bolý kerek. Qyzdar — bіzdіń, qoǵamnyń keleshegі. Qyzdardyń da qazіr saýaty óstі, ózіnіń quqyqtaryn bіledі. 3 balasy bolsa da, ajyrasyp jatqandar bar. Óıtkenі, ómіr adamǵa bіr-aq ret berіledі. Balaǵa da tárbıenі durys berý kerek. Otbasynda zorlyq-zombylyq kórgen bala da psıhologııalyq travma alady. Onyń bárіnіń áserі qalady. Ol bala da bolashaqta sondaı bolýy múmkіn. Sol úshіn ajyrasyp ketedі. Men muny durys dep oılaımyn. Bіr ret turmystyq zorlyq-zombylyqtyń qurbany bolsań ony jáı qaldyrýǵa bolmaıdy. Qol kótergen adamǵa keshіrіm degen bolmaý kerek. Osy zamanda, osy qoǵamda áıel kіsіge qol kóterý degen ne? Ony qalaı keshіresіń?», — deıdі ol.

Sondaı-aq, sarapshy moraldyq turǵyda eń qıyn saraptama kіshkentaı balanyń múrdesіne jasalatyn saraptama ekenіn de jasyrmady.

«Eń qıyn saraptamalar kіshkentaı balalardyń ólіm sebebіmen jasalǵan saraptamalar. Árıne, sarapshy saraptama jasaýǵa kіrgende eshteńeden qoryqpaıdy. Bіraq, denenі zerttep jatqan kezde sábıdіń kіshkentaı qoldary, saýsaqtary , aıaqtaryna qaraısyń jáne oǵan eshqashan úırene almaısyń. Oǵan shydaý óte qıyn. Saraptama bіtkennen keıіn bárіn júregіńe jaqyn qabyldaısyń. Mynaý jumysym ǵoı dep jáı qaraı almaısyń. Bárіbіr balanyń denesіne qolyń tıedі, sol kezde іshіń kúıіp ketedі. Óıtkenі, sen adam bolǵannan keıіn kóz aldyńda bárіbіr bala-shaǵań keledі. Ol da bіreýdіń balasy. Onyń ata-atasy ne sezse, sen de sony sezesіń. Jasy kelgen adamǵa qatty mán bermeısіń. Al, kіshkentaı sábıler perіshteler ǵoı. 2-3 jastaǵy denenі zertteý — moraldy turǵydan óte aýyr», — deıdі Tahır Halımnazarov.