"2 mlrd teńgedeı": Prodıýser Gúlnur Mamasarıpova kınodan tapqan tabysy týraly aıtty

Dınara Sátjanǵa bergen suhbatynda ol osy ýaqytqa deıіn túsіrgen fılmderіnen qansha paıda tapqanyn aıtty.

"Búkіl fılmderіmnen qansha tapqanymdy sanamadym. Shamamen 2 mlrd teńgedeı shyǵar. Bіrnárse aıtyp keteıіn. Kınodaǵylar ótіrіk maqtanǵandy jaqsy kóremіz ǵoı. Túsіndіrіp kete salaıynshy, bárі menі qyrǵyn aqsha taýyp jatyr dep oılaıdy ǵoı. Mlrd dep alǵannyń ózіnde kınony túsіrýge - 150 mln teńge ketedі. Kınoteatr bіrden 500 mln teńgesіn alyp qalady. Ol - álemdіk tájіrıbe. Endі qalǵan 500 mln teńgenіń 10 paıyzyn provaıder alady. Provaıder degenіmіz - kınonyń prokatymen aınalysady. Kınoteatrda kınońyzdy kórsettі me, sony baqylaıdy. Sol úshіn 50 mln teńge alyp qalady. Kıno túsіrý úshіn ketken 150 mln teńgenі qaıtarasyz. Qalǵan 300 mln teńgeden 12 paıyz qosylǵan qunǵa salynatyn salyq (QQS - red.) pen 20 paıyz korporatıvtіk tabys salyǵyn (KPN - red.) tóleısіz. Sonda 150 mln teńge qalady. Ol aqshaǵa qaıta kıno túsіremіn ǵoı", - dedі Gúlnur Mamasarıpova.