RUS
Áleýmettіk jelіge shyqqan vıdeodan tutas jolaqty kesіp ótken polıtsııa kólіgіne mopedtіń soǵylǵanyn kórýge bolady. Jelіdegі jazbada atalǵan vıdeonyń kóptegen áleýmettіk jelіnіń kanaldarynan alyp tastalǵany jazylǵan.
Almaty qalalyq Polıtsııa departamentіnіń málіmetіnshe, jol apaty qalanyń Jetіsý aýdanynda bolǵan. Shuǵyl shaqyrýǵa shyqqan patrýldіk polıtsııa ekıpajy aldyn ala jypylyqtaıtyn shamdar men jaryq sıgnaldy daýys zoraıtqysh qondyrǵyny qosyp, belgіlengen erejelerdі qatań saqtaı otyryp, kerі burylý manevrіn jasady. Jol qozǵalysyna qatysýshylar polıtsııa kólіgіne jol bergen. Alaıda, qoǵamdyq kólіkke arnalǵan jolmen kele jatqan moped júrgіzýshіsі zań talabyn elemeı, patrýldіk kólіkpen soqtyǵysqan.
«Moped júrgіzýshіsі medıtsınalyq kómekten bas tartty. Jol apaty faktіsі tіrkeldі. «Chevrolet» avtokólіgіnіń júrgіzýshіsі jaýapqa tartyldy. Óndіrіstіk materıaldar sotqa jіberіletіn bolady», - dep habarlady qalalyq polıtsııa departamentіnіń baspasóz qyzmetі.