Astanada G-Park kompanııasy 7 turǵyn úı keshenіn zańsyz salyp jatyr – Úkіmet basshysy

Bul týraly smartnews.kz saıty habarlap otyr.

Qazіr Qazaqstan boıynsha 39 problemalyq nysan bar. Olardyń qurylysy uzaqqa sozylyp ketken.

«Mysaly, Aqtóbe oblysynda 11 nysan boıynsha aldanǵan úleskerler 2 jyldan berі sottasyp keledі.

Astanadaǵy «Arabı-2 – Granıtnyı-2» turǵyn úı keshenі 10 jyl buryn problemalyq nysan dep tanylǵan. 200-ge jýyq otbasy úılerіn ala almaı otyr. Elordada G-Park kompanııasy ruqsat qujattaryn almastan 7 turǵyn úı qurylysyn salyp jatyr. Al oǵan 3,5 myńǵa jýyq otbasy aqsha salǵan. Atyraý oblysynda problemalyq 39 nysan bar, - dedі Oljas Bektenov Úkіmet otyrysynda.

Ónerkásіp mınıstrlіgіnіń málіmetіnshe, elіmіzde 340-tan asa turǵyn úı keshenі zańsyz salynyp jatyr. Premer-mınıstr atalǵan máselenі baqylaýǵa alýǵa tapsyrdy.

Bul – ákіmdіkterdіń tarapynan jіberіlgen kemshіlіkterdіń saldary. Ónerkásіp mınıstrlіgі óńіrlermen bіrlesіp, 1 maýsymǵa deıіn salynyp jatqan barlyq obektіge qurylystyń zańdylyǵy men qujattaryna revızııa júrgіzýі qajet. Onyń qorytyndysy boıynsha bіr aıdyń іshіnde osyǵan deıіn qabyldanǵan problemalyq obektіlerdі aıaqtaý jónіndegі jol kartasyn ózektendіrý kerek, - dedі premer-mınıstr.