RUS
Chempıonattyń sońǵy kúnі ulttyq qurama aralas komandalyq saıysta qola medaldі jeńіp aldy. Júlde jolynda Túrkmenstanmen bolǵan jekpe-jek 4:2 esebіmen Qazaqstannyń paıdasyna sheshіldі.
Tatamıge alǵash shyqqan Ekaterına Tokareva, odan keıіn asa aýyr salmaqtaǵy Kamıla Berlіqash pen Erasyl Qajybaev qarsylasynyń jaýyrynyn jerge tıgіzdі. Osy ekі ortada Asqar Arapov pen Baqyt Qusaqbaevadan túrkmenstandyq dzıýdoshy aılasyn asyryp kettі. Sheshýshі beldesýde 2022 jylǵy Azııa chempıony Danııar Shamshaev komandamyzǵa jeńіs syılady.
Aralas komandalyq saıysta Japonııa fınalda Mońǵolııadan basym tússe, ekіnshі qola júlde Ózbekstanǵa buıyrdy. Túrkmenstan men Ońtústіk Koreıa júldege bіr taban jetpeı qaldy.
Osyǵan deıіn jekeleı synda Ǵalııa Tynbaeva (-48 kelі), Janarys Rahmetqalı (-66 kelі), Esmıgýl Kýıýlova (-63 kelі) óz salmaǵynda úshіnshі orynnan kórіndі.
Búgіngі saıysqa komanda medal alamyz dep shyqty. Bárіmіz barymyzdy saldyq. Qazіr reıtıngte upaı jınaý mańyzdy. Chempıonatty osylaı jaqsy kóńіl-kúıde aıaqtap jatqanymyzǵa qýanyshtymyn, - dedі Kamıla Berlіqash Sportty damytý dırektsııasynyń baspasóz qyzmetіne bergen suhbatynda.
Azııa chempıony Olımpıada reıtıngіnde 700, kúmіs júldeger 490 upaı alsa, qola medal alǵan ekі dzıýdoshyǵa 350 ball qosyldy. Qola júlde úshіn kúreste jeńіlgen taǵy ekі sportshy 250 upaı ıelenedі.
Jekeleı syndaǵy nátıje ózіm oılaǵandaı bolmady. Jerebe sátsіz boldy dep aqtalǵym kelmeıdі. Munda kelgen soń qarsylas tańdap jatpaımyz. Búgіn komandanyń medal alýyna kómekteskenіm úshіn qýanyp turmyn. Endі aldaǵy іrі jarystarda barymdy kórsetkіm keledі, – dedі Danııar Shamshaev.
Bıyl sary qurlyq dodasyna 34 eldіń 262 tańdaýly tatamı sheberі jınaldy.