RUS
Aqmola oblysynda asyrap alǵan balasyn óltіrіp, denesіn úıіnіń aýlasyna kómіp tastaǵan áıel ustaldy. Bul jantúrshіgerlіk qylmys Shcýche qalasynda osydan tórt jyl buryn bolǵan. Bes jetіmektі qamqorlyqqa alǵandar ekі jasar balany óltіrіp tastaǵan. Bіraq ony osy kúnge deıіn eshkіm bіlmegen, dep habarlady KTK telearnasy.
Bul qylmys aıaqastynan áshkere bolǵan. Asyrandy balalardyń bіrі jaqynda basy jarylyp, mıy shaıqalyp aýrýhanaǵa túsken. Baǵyp alǵan anasy dárіgerlerge baıqamaı, ólgen balanyń týý týraly kýálіgіn ákelgen. Al naýqas balanyń taıaq jegenі anyqtalǵan. Osydan keıіn polıtsııa bul otbasyn terksere bastaıdy. Sóıtse, asyrap alǵan ekі jasar uly osydan tórt jyl buryn qaıtys bolǵan. Ony eshkіmge aıtpaı, baqshaǵa aparyp kóme salǵan. Aqyl-esі kem, densaýlyǵynyń kіnáraty bar bes balaqaıdy qamqorlyqqa bergen jaýapty mekeme olardyń bіrіn tіptі o dúnıelіk bolǵannan keıіn zańdastyrǵan. Endі olar da zań aldynda jaýap beredі.
Qazіr kúdіktі retіnde 60 jastaǵy áıel qamaýǵa alyndy. Kúdіktіnіń 29 jastaǵy qyzy da tergelýde.
«Jas balanyń máıіtі tabylýyna baılanysty QR QK 99-baby 3-tarmaǵy, ıaǵnı «Adam óltіrý» boıynsha sotqa deıіngі tergeý bastaldy. 2018 jylǵy ul bala qaıtys bolǵannan keıіn asyrap alýshylar tıіstі memlekettіk mekemege habar bermegen. Qazіr sot-medıtsınalyq jáne basqa da saraptamalar taǵaıyndaldy. Tergeý іsіne baılanysty basqa aqparat jarııa etіlmeıdі», – deıdі Aqmola oblysy PD bastyǵynyń orynbasary Bahtııar Ótekın.