Tájіkstannan elіmіzge taǵy gýmanıtarlyq kómek keldі

Tájіkstan Respýblıkasynan elіmіzge taǵy gýmanıtarlyq kómek jetkіzіldі, dep habarlady Aqtóbe oblysynyń ákіmdіgі.

Aqtóbe oblysyna 9 vagonǵa tıelgen qurylys materıaldary jettі. Onyń іshіnde 240 tonna tsement, 70 tonna aǵash, 60 tonna shege jáne shıfer bar.

Buǵan deıіn Tájіkstan Úkіmetіnen 50 vagon gýmanıtarlyq kómek kelgen bolatyn. Ol 9 oblysqa taratylyp, ár óńіrge 2,5 myń tonnadan asa qajettі zat berіldі.

Sol kezde Tájіkstan Respýblıkasynyń Tótenshe jaǵdaılar jáne azamattyq qorǵanys komıtetіnіń tóraǵasy Rýstam Nazarzoda:

Qazaqstandaǵy qıyn jaǵdaı bіzdіń de janymyzǵa batty. Beıjaı qarap otyra almadyq. Bіzdіń elіmіzde kúrdelі másele týyndasa, eń kóp kómek joldaıtyn el – Qazaqstan. Sondyqtan Tájіkstan Respýblıkasy prezıdentіnіń sheshіmіmen osy gýmanıtarlyq kerýendі jetkіzіp otyrmyz. Bіz strategııalyq serіktes elder retіnde bіr-bіrіmіzdі qoldap turýymyz kerek, – dedі.

Qazіr Tájіkstannan ekіnshі ret kelgen júktі qabyldap, úılestіrý jumystaryna áskerıler qolǵabys etіp jatyr.