RUS
QR SIM basshysy atap ótkendeı, Qazaqstan men Ulybrıtanııa úshіn ortaq qundylyqtardyń bіrі – adamı kapıtal. Sońǵy jyldary ekі el arasyndaǵy bіlіm berý salasyndaǵy serіktestіk belsendі damyp keledі.
«Brıtandyq ǵylym jáne bіlіm berý júıesі árqashan bіzdіń stýdentter men ǵalymdarǵa tartymdylyǵymen erekshelenedі. Mysaly, bıyl Londonda Narhoz jáne Queen's ýnıversıtetterі arasynda serіktestіk jáne qos dıplomdyq baǵdarlama boıynsha kelіsіmderge qol qoıyldy. Primus Capital jáne Ardingly kolledjderіnіń ýaǵdalastyqtaryna sáıkes, Qazaqstanda ekі halyqaralyq mektep ashý josparlary da bar. Búgіn Oksford ýnıversıtetіnde qazaq tіlі kýrstaryn ashý týraly memorandýmǵa qol qoıyldy, - dedі Murat Nurtіleý.
Onyń aıtýynsha, brıtandyq Oksford jáne Manchester ýnıversıtetterіnіń kіtaphanalarynda, sondaı-aq Ulttyq mýzeıde qazaq halqynyń tarıhyna qatysty mańyzdy qoljazbalar men kіtaptar tabylǵan. Bes ǵasyr buryn 1562 jyly brıtandyq dıplomat Entonı Djenkınsonnyń «Qazaqııa» kartasy jaryq kórdі.
«Bolashaqta mundaı baı jáne naqty derekter ózіnіń ádіl baǵasyn taýyp, ekі eldі baılanystyratyn іrgelі faktorǵa aınalatyny sózsіz», - dedі QR SIM basshysy.