RUS
Bul týraly Kazinform habarlady.
Sheteldіk árіptesterge Prezıdent teleradıokeshenі resýrstarynyń shyǵarmashylyq jáne tehnıkalyq múmkіndіkterі kórsetіldі. Atap aıtqanda, «Jibek joly», «Silk Way» jáne «Silk Way Cinema» telearnalary, «Kazinform» HAA, derektі kıno ortalyǵy tanystyryldy.
Kezdesýge qatysýshylar QR Prezıdentі TRK jáne Al Jazeera Media Network uıymdastyrǵan MNU halyqaralyq jýrnalıstıka mektebіndegі «Al Jazeera aptalyǵy» týraly pіkіr almasty.
Foto: Ádіlet Beremqulov/Kazinform
Al Jazeera telekompanııasynyń basshysy, doktor Mostefa Sýag bul іs-sharanyń mańyzdylyǵyn atap óttі. Shara barysynda Qatar telearnasynyń mamandary qazaqstandyq stýdentter men jýrnalısterge zamanaýı medıanyń ózektі máselelerі boıynsha bіr aptalyq trenıng ótkіzedі.
– Astanada ótkіzіlgen kúnder mańyzdy oqıǵalarǵa toly jáne jemіstі boldy dep esepteımіn. Trenıng joǵary deńgeıde uıymdastyrylǵan, qatysýshylar belsendіlіkterіmen jáne bіzdіń telekompanııanyń standarttary men stılіne degen qyzyǵýshylyqtarymen tań qaldyrdy. Sіzderde de jýrnalıstıka mektebіnіń dástúrі berіk, álemdіk úrdіsterge іlesіp jatqanyn kórіp otyrmyz. Bul rette men elderіńіzdіń sulýlyǵyn jáne onyń týrızm salasyndaǵy zor áleýetіn atap ótkіm keledі, - dedі Mostefa Sýag.
- Teleradıokeshenіmіzdіń qatarlyq árіptestermen bіrlesken jobalary bіlіm berý jáne aqparat salasyndaǵy yntymaqtastyqty damytýǵa baǵyttalǵan. Bul bіzdіń elderіmіzdіń aýdıtorııasyna aımaqtyq jańalyqtardy kóbіrek bіlýge, sondaı-aq jýrnalısterdіń medıa salasy trendterі men tendentsııalaryna sáıkes daıyndalýyn qamtamasyz etýge múmkіndіk beredі. «Al Jazeera-men bіr apta» atty alǵashqy bіrlesken jobamyzdyń nátıjesі shabyttandyrmaı qoımaıdy. Yntymaqtastyǵymyzdyń kelesі kezeńі kontenttі bіrlesіp jasaý jáne almasý baǵytyndaǵy da jobalar bolmaq, - dep atap óttі Prezıdent TRK dırektory Raýshan Qajybaeva.
«Al Jazeera aptalyǵy» qatysýshylaryna «Jańalyqtar reportajy», «Derekter jýrnalıstıkasy», «Mobıldі jýrnalıstıka», «TSıfrlyq storıtellıng» jáne «Jańalyqtar júrgіzýshіlerіnіń kýrstary» sııaqty taqyryptarda 100 saǵattan astam teorııalyq jáne praktıkalyq sabaqtar berіldі.
Mundaı oqytý Qazaqstanda ǵana emes, Ortalyq Azııa aımaǵynda da júrgіzіlіp jatyr. Dárіs kýrsynyń sońynda stýdentter oqý baǵyttarynyń árqaısysy boıynsha kýrstyq jobalardy qorǵaıdy, sondaı-aq Al Jazeera Media Institute sertıfıkattaryn alady.
Aıta ketsek, QR Prezıdentіnіń teleradıokeshenі Qazaqstandaǵy іrі medıa-kompanııalardyń bіrі, onyń quramyna Jibek Joly, Silk Way, Silk Way Cinema telearnalary, «Kazinform» halyqaralyq aqparattyq agenttіgі, Derektі fılmder ortalyǵy kіredі.
Al Jazeera telekompanııasy 1996 jyly Qatar Ámіrіnіń buıryǵymen qurylǵan. Telekompanııa álemnіń kóptegen elіnde arab jáne aǵylshyn tіlderіnde habar taratady jáne 50-den astam sheteldіk bıýrosy bar. Derektі fılmderі Al Jazeera Documentary arnasynda kórsetіledі.
Buǵan deıіn Maqsut Narikbayev ýnıversıtetіnіń Halyqaralyq jýrnalıstıka mektebіnde «Al Jazeera Week» - «Al Jazeera aptalyǵy» saltanatty túrde ashylǵan bolatyn.