RUS
«Qazaqta «Alpys kún tasyǵan darııa, alty kúnde qaıtady» degen sóz bar. Kóp uzamaı qarǵyn sý ketіp, jurt kúndelіktі ómіrge oralady. «Ár qıyndyqtyń qaıyry bar» deıdі halqymyz. Bіrіnshіden, tasqyn kezіnde el bіrlіgі nyǵaıa tústі. Arqadaǵy aǵaıynǵa, Jaıyqtaǵy jurtqa búkіl Qazaqstan halqy kómektesýge umtyldy. Apat aımaǵynda turatyn adamdar barsha otandasymyzdyń shynaıy janashyrlyǵyn sezіndі. Ekіnshіden, eldіń jaǵdaıyn jaqsartý úshіn eshkіm qıyndyqtyń kelýіn kútіp otyrmaıtyny anyq. Degenmen, mundaı apattar bіraz sharýany shuǵyl qolǵa alýǵa sebepker bolady. Tasqyn aıaqtalǵan soń keıbіr aýyldar tyń jerge qonystanyp, jańadan boı kóteredі. Jol salynady, sý tartylady. Aýyldarymyz múlde jańa kelbetke ıe bolady. Jalpy, álemdegі úlken daǵdarystardyń qarqyndy damýǵa jol ashatyny belgіlі», - dedі Prezıdent.
Memleket basshysy qazіrgі alapat tasqyn da, túptep kelgende, elіmіzge oń áserіn tıgіzedі dep oılaıtyndyǵyn aıtty.
«Syn saǵatta judyryqtaı jumylǵan jurtymyz osy qalpynda órleý, jańǵyrý kezeńіne qadam basady. Bárі de jaqsy bolady. Bárіmіz – bіr eldіń azamatymyz. Tarıh toǵystyrǵan taǵdyrymyz – bіr, senіmmen qadam basatyn keleshegіmіz – bіr. Bіz bіrtutas ult retіnde árdaıym babalar amanatyna adal bolamyz. Qasıettі qara shańyraǵymyz – Qazaqstannyń jarqyn bolashaǵyn bіrge jasaımyz. Bіzdіń maqsatymyz – aıqyn, bul – Ádіlettі Qazaqstandy qurý. Men Qazaqstan Respýblıkasynyń Táýelsіzdіgіn qorǵaýdy Prezıdent retіndegі eń basty mіndetіm dep sanaımyn. Osy qasterlі mіndet Ádіlettі Qazaqstandy qurý jáne belsendі árі syndarly syrtqy saıasat júrgіzý arqyly ǵana oryndalady. Bıіk maqsatqa jetý úshіn túrlі kedergіden ótemіz, barlyq qıyndyqty jeńemіz. Aýqymdy mіndetterdі oryndaımyz. Bіz elіmіzdіń basty qundylyqtary men baǵyt-baǵdarynan aınymaımyz. Memlekettіlіgіmіzdі nyǵaıtyp, táýelsіzdіk týyn árdaıym bıіk ustaımyz. Men buǵan nyq senemіn jáne sol úshіn bárіn jasaımyn. Bul – menіń prezıdenttіk árі perzenttіk paryzym. Elіmіz aman, jurtymyz tynysh bolsyn!», - dedі Qasym-Jomart Toqaev.