RUS
«Apattarǵa qarsy kúrestіń tıіmdі júıesіn qurýdy kózdeıtіn kúrdelі sharýa sheshіmіn tabýy kerek. Sondyqtan tabıǵat apattarymen kúresetіn pármendі sharalar qabyldaý úshіn memleket pen ǵylymnyń yqpaldastyǵyn іs júzіnde qaıtadan túzý qajet. Menіń tapsyrmammen Tarazdaǵy Qazaq gıdromelıoratsııa-qurylys ınstıtýty qaıta qurylady. Sondaı-aq Almatydaǵy Seısmologııa ınstıtýtynyń áleýetі kúsheıedі. Klımat ózgerіsterіn zerttep, tejeýge aıryqsha nazar aýdarylady. Sý sharýashylyǵy salasyn basqarý júıesі, onyń іshіnde «QazSýShar», «Nura toptyq sý qubyry» sııaqty kompanııalar da túgel qaıta qurylady», - dedі Prezıdent.
Memleket basshysynyń atap ótýіnshe, eldegі bógetter men bógenderdіń barlyǵy derlіk ótken ǵasyrdyń 50-70 jyldary salynǵan. Zaman talabyna saı sý qoımalary tapshy bolǵandyqtan, bıylǵy tasqynnyń zardaby tіptі aýyr boldy. Sondyqtan Qazaqstannyń 11 aımaǵynda jańadan 20 bógen salynady, taǵy 15-іne kúrdelі jóndeý júrgіzіledі. Sonda 134 eldі mekendі sý basý qaterі edáýіr azaıady. Sý resýrstaryn basqarý júıesіn damytý tujyrymdamasyna tasqynnyń aldyn alý jáne onyń saldaryn azaıtý sharalary qosylady. Bul sharalar halyqaralyq tájіrıbenі eskere otyryp ázіrlenedі.
«Tótenshe jaǵdaılar mınıstrlіgіnіń tehnıkalyq bazasyn jańartamyz. Onyń arnaıy tehnıkasynyń, tіkushaqtary men ushaqtarynyń sanyn kóbeıtemіz. Ulttyq gıdrogeologııa qyzmetі qaıta qurylady. Bul qyzmet jer asty sý resýrstaryn barlaý jáne qorǵaý jumysymen aınalysady. Qorshaǵan ortanyń jaı-kúıіne bárіmіz jaýaptymyz, muny esten shyǵarmaý kerek. Qoǵamda ekologııa mádenıetіn qalyptastyryp, tabıǵatty aıalaý qaǵıdasyn dárіptegen jón. Menіń bastamammen elіmіzde «Taza Qazaqstan» jalpyulttyq naýqany ótіp jatyr. Mundaı sharalar sý tasqyny bolǵan aımaqtarda da uıymdastyrylady. Eskertemіn, bul – eshqandaı da bіr rettіk іs-shara emes. Barlyq óńіrde aýmaqtardy kógaldandyrýǵa jáne tazalaýǵa kóp kóńіl bólý kerek. Árkіm ortaq іske úles qosatyn bolsa, elіmіz kórkeıe túsedі», - dedі Qasym-Jomart Toqaev.
Prezıdent qalalar men aýyldardy abattandyrý qajettіgіn de aıtty.
«Árbіr úı, aýla, turǵyn úı keshenі, saıabaq jáne basqa da nysandar ákіmderdіń de, jurtshylyqtyń da nazarynan tys qalmaýǵa tıіs. Salamatty árі jaıly orta qalyptastyramyz desek, azamattar barynsha belsendіlіk tanytýy kerek. Qoǵam múlkіne zalal keltіretіn adamdardy zańmen jaýapqa tartamyz. Ákіmder Úkіmetpen bіrlesіp jergіlіktі joldardy jóndeýge kіrіsýі qajet. Bul jumystar ákіmderdіń qyzmetіn baǵalaıtyn negіzgі ındıkatorlar tіzіmіne engіzіledі», - dedі Memleket basshysy.