Tasqynnan zardap shekken óńіrlerdegі túlekterge qosymsha bіlіm granttary bólіnýі múmkіn

Eger tómen ball alsa qańtar-naýryz aılaryndaǵy nátıjelerіn esepteýge bolady.

Bul týraly Qazaqstan ulttyq arnasy habarlady.

Odan bólek, qazіr qosymsha nysanaly granttar bólý jaǵy qarastyrylyp jatyr. Premer-Mınıstrdіń orynbasary Tamara Dúısenova tasqyn bolǵan aımaqtarǵa kórsetіlіp jatqan áleýmettіk kómek jaıly aıtty.

Úıіn sý shaıǵandar úshіn jańa úı salynady nemese naryqtan daıyn baspana satyp alý múmkіndіgі berіledі. 11 000 otbasy 100 aılyq eseptіk kórsetkіsh kólemіnde tólem aldy. Búlіngen úı zattaryn qalpyna keltіrý úshіn taǵy 150 aılyq eseptіk kórsetkіsh kólemіnde ótemaqy qarastyrylǵan. Ótelmegen nesıesі barlardyń tólem merzіmі 1 sáýіrden 30 maýsymǵa deıіn shegerý qarastyrylyp jatyr. Múgedektіgі bar azamattardy qaıta kýálandyrý merzіmі 1 shіldege deıіn avtomatty túrde uzartyldy.

Sondaı-aq, Tamara Dúısenova zardap shekken mektep jasyndaǵy balalarǵa erekshe qamqorlyq kórsetіlіp jatqanyn aıtty.

– Oqýshylardyń oqý maýsymyn aıaqtaýyna jaǵdaı jasaý úshіn evakýatsııalyq ortalyqtarda bolǵan 4 000-nan asa bala saýyqtyrý lagerlerіne, kolledjder men joǵary oqý oryndarynyń jataqhanalaryna, Nazarbaev zııatkerlіk mektepterі, Bіlіm ınnovatsııa lıtseılerіnіń ınternattaryna ornalastyryldy. Olar munda úılerі qalpyna keltіrіlіp, mektepterіnde oqý protsesі qaıta jalǵasqanǵa deıіn bolady, – dedі QR Premer-Mınıstrіnіń orynbasary Tamara Dúısenova.