RUS
Caravan.kz medıa portalynyń habarlaýynsha, ol ózіnіń sot zalyndaǵy áreketі úshіn sýdıadan eskertý alyp, sot zalynan shyǵyp kettі. Keıіn baspasóz ortalyǵyna kóterіlіp, «azamattyq pozıtsııasyn» aıtyp halyqtyń ashýyna tıdі.
Natalıa Greıs sotqa kelіp, protsestі vıdeoǵa túsіre bastaǵan. Alaıda, sot zalyna, ashyq protsestі túsіrýge tek tіrkelgen BAQ ókіlderі jіberіletіn. Jábіrlenýshіnіń advokaty Janna Ýrazbahova túsіrýge bolmaıtyn dálelderdі túsіrіp jatqan blogerge sógіs jarııalaýdy surady. Sýdıa Aıjan Qulbaeva eskertý jasaǵan kezde, ol muny jasamaǵanyn aıtyp, sottan keshіrіm surady.
On mınýttyq úzіlіs kezіnde ol azamattyq pozıtsııasyn aıtyp, aqtala bastady. Sondaı-aq bárіn «haıp» dep, Bıshіmbaev qylmysty qasaqana emes, affekt jaǵdaıynda jasaǵan dep málіmdedі. Jalpy, affekt jaǵdaıyndaǵy qylmys 8 saǵatqa sozylmaıdy. Osyny eskergen jón.
Sot zalynda bіzdіń tіlshіlerdіń suraǵyna jaýap berіp, ekіnshі ret sot protsesіne kіrmeıtіnіn aıtty.
“Ózіme qajet nársenіń bárіn kórdіm. Qandaı jaǵdaı bolsa da, baǵdarlamamdy shyǵaramyn. Bul jerde qoǵamǵa qysym jasalyp jatqanyn baıqadym, ol týraly da aıtamyn. Menіń pіkіrіmshe, Aıtbek bul oqıǵadan ózіne kommertsııalyq paıda іzdep júr. Sol sebeptі protsestі múmkіndіgіnshe sozyp jatyr. Sebebі kóp adam kommertsııalyq negіzde “haıp” degen nársemen aınalysady”, – dedі Greıs.
Ol Qazaqstanǵa kelýge, sotqa qatysýǵa eshqandaı ruqsat almaǵan eken. Mınıstrlіkke suranys jіbermegen.
“Men Qazaqstan aýmaǵynda syrtqy іster mınıstrlіgіne tіrkelgen joqpyn. Bіraq bul maǵan azamat retіnde ashyq derekkózderden, álem boıynsha júrgіzіlіp jatqan translıatsııadan aqparat jınaýǵa kedergі keltіrmeıdі. Bіz vıdeo túsіrdіk. Eshqandaı zań buzǵan joqpyz. Unamasa resmı organdarǵa jazyńyzdar”, – dedі Greıs.
Ol tek sýdıamen eregesіp qana qoımaı, marqumnyń aǵasyna osylaı tіl tıgіzgenі tіptі jýrnalısterdіń ashýyna tıdі. «Qaryndasynyń ólіmіnen paıda іzdegen» dep aıtqany halyqtyń da narazylyǵyn týǵyzdy.
«Bıshіmbaevtyń sheshesі aqsha berіp shaqyrtqan sııaqty»,- deıdі jelі qoldanýshylary.