RUS
SMARTNEWS.KZ basylymynyń habarlaýynsha, belgіlі ánshі Merýert Túsіpbaeva іstі bolyp jatqan eks-mınıstr Qýandyq Bıshіmbaevtyń burynǵy jubaıy Nazym Qaharmandy synǵa aldy. Bul týraly Aikyn.kz jazdy.
Aıtýynsha, eks-mınıstrdіń burynǵy áıelі Nazym Qaharman el aldyna shyǵyp, suhbat berýі eshteńege áser etpeıdі.
"Bul áıeldі eń bіrіnshі ret teledıdardan, Bıshіmbaevtyń memleketten qarjy jymqyrdy dep kúdіkke іlіngenіnde kórgen edіm. Sonda, bіlіmdіlіgіn bólek qoıǵanda, kúıeýіne degen adaldyǵy tántі etken edі. Búkіl álem qarsy shyqqanda, qarlyǵashtyń qanatymen sý sepkendeı, jan-tánіmen jubaıyn, balalarynyń ákesіn, súıіktіsіn qorǵap, jan ushyrǵany…
Saltanattyń tragedııasynan keıіn, ár jerde bіr jyltyńdap, suhbat berіp, óıtіp edі, sóıtіp edі, al men myqtymyn, tіrі qaldym degendeı saırap...
Aldynda qalyptasqan oıymdy 100 % ózgerttі", – deıdі ánshі.
Óner ıesіnіń aıtýynsha, Bıshіmbaevtyń burynǵy áıelі otbasyndaǵy janaıqaıyn erterek jetkіzgende tіptі Saltanat tіrі qalar edі.
"Eger, bul aıel ózі ajyrasyp jatqan kezeńde, dál qazіrgіdeı janaıqaıyn qoǵamǵa jetkіzіp ashyq aıtsa ǵoı, Saltanat tіrі bolar ma edі, degen oılar keledі. ”Aqsaq qoı tústen keıіn mańyraı ma?!”. Boıaýy sіńgende, bálen jyl turyp, 3 bala týǵan erkektі jamandaǵannan kіmge paıda bar?! Ol qandaı bolsa da balalardyń ákesі bolyp qalady! Kúlge aýnap týmady ǵoı. Bul jaıtty ózgertý múmkіn emes! Balalarynyń tegі, qany sonykі! Daý órshіp turǵan dál qazіrgі ýaqytta óz basym ana retіnde, balalarymnyń jan tynyshtyǵy úshіn, úndemeı otyrar edіm. Átteń-aı. Bulaı tanymal bolmaı-aq qoısaq", – dedі ánshі Instagram paraqshasynda.