RUS
SMARTNEWS.KZ basylymynyń habarlaýynsha, Saltanat Núkenova qaıtys bolǵan kúnі bloger Bıshіmbaevqa "Aıtpaqshy, senen raýshan gúlіnіń ıіsі shyǵady" dep jazǵan.
Bul sóz tіrkesіne jelі qoldanýshylary nazaryn aýdaryp, aǵylshyn tіlіndegі turaqty tіrkestіń tіkeleı aýdarmasy ekenіn aıtty. Jelіde Erlan Rahımov atty lıngvıst bul frazeologızmnіń ne maǵyna bіldіretіnіn aıtty.
“Aǵylshyn tіlіnde come up smelling like roses degen turaqty tіrkes bar. Ol týra maǵynasynda “raýshannyń ıіsі shyǵyp tur” dep aýdarylǵanymen, turaqty tіrkes “jaǵdaıdan sútten aq, sýdan taza bop shyǵý” degendі bіldіredі”, – deıdі ol.
Jelі qoldanýshylary da pіkіr qaldyryp, bul sózdіń túrlі maǵynasyn usyndy.
"Bul tіrkestі "Dálelder joıyldy" degen fılmde qaskóı qupııasóz retіnde qoldanǵan”, “Bul sóz aıǵaqtar joıyldy degendі bіldіredі”, “Osy tіrkesі arqyly ol aıǵaqtar joıylǵanyn eskertken”, “Bıshіmbaev aǵylshyn tіlіn jetіk meńgergen, túsіnіk tur ǵoı” dep jazdy jelіdegіler.
Kembrıdj sózdіgіnde "come up smelling like roses" tіrkesіnіń maǵynasy bylaı dep kórsetіlgen.
"Óte qıyn jáne adamdy jaman jaǵdaıǵa qaldyratyn sátten de jaqsy bolyp shyǵý" dep kórsetіledі, ıaǵnı “sútten aq, sýdan taza” bolyp shyǵý desek bolady.
Bul turaqty tіrkes kórkem fılmderde keıіpkerlerdі sıpattaıtyn sóz tіrkesі retіnde jıі qoldanylady. Crying Freeman fılmіnde osy tіrkes qupııasóz retіnde qoldanylypty.