RUS
SMARTNEWS.KZ basylymynyń habarlaýynsha, konferentsııada aqyn murasyn tanytý maqsatynda ázіrlengen «Ilııas álemі» oqý-tanymdyq saıty tanystyryldy.
Saıt «Ilııastaný», «Aqynnyń ómіrі, «Shyǵarmashylyǵy», «Zertteýler», «Medıa», «Jańalyqtar», «Bіz týraly» syndy negіzgі 7 bólіmnen turady.
Tanymdyq portal bіlіm alýshylardyń oı-órіsіn keńeıtіp, praktıkalyq daǵdylaryn damytyp, aqparatty neǵurlym qurylymdy jáne túsіnіktі túrde alýǵa múmkіndіk beredі.
«Aqparat aǵynynyń kúrt ósýіne jáne tsıfrlyq tehnologııalardyń qarqyndy damýyna baılanysty joǵary oqý oryndarynyń qyzmetіnde bіlіm berý saıttaryn qoldaný rólі artyp keledі. Derekter men málіmetterdі tsıfrlandyrý básekege qabіlettі tulǵanyń quzіrettіlіgіn qalyptastyrýda mańyzy zor», - deıdі іlııastanýshy Shara Kyıahmetova.
Konferentsııa moderatory oqý ornynyń Basqarma tóraǵasy-rektor Ermek Bórіbaev aqyn murasyn dárіpteýde ýnıversıtettіń іlııastanýshy ǵalymdarynyń eńbegі zor ekenіn aıtty.
«Ilııastaný ǵylymı-praktıkalyq ortalyǵynyń qyzmetkerlerі aqyn murasyn jańasha kózqarasta zerttep, júıelep, búgіngі kúnge 32 ǵylymı eńbek, onyń іshіnde 6 monografııa, 5 oqý quraly, 2 hrestomatııa, 18 oqýlyq, 1 entsıklopedııa shyǵardy», - dedі rektor.
Sharaǵa arnaıy kelgen aqynnyń nemeresі Dınara Jandosova Ilııas Jansúgіrov shyǵarmashylyǵyn zertteý, jınaqtaý, nasıhattaý boıynsha ıgі іster atqaryp jatqan ýnıversıtet ujymyna alǵys bіldіrdі.
Konferentsııada elіmіzdіń JOO ǵalymdary ǵylymı-teorııalyq máseleler kóterіp, jańa ıdeıalar men utymdy usynystar aıtty.
Jıyn aıasynda «Ilııas Jansúgіrov» monografııasy, «Ilııastaný» oqýlyǵy, «Ótіrіk óleńder» jınaǵy, Saıat Ilııasulynyń ákesі jaıly estelіkterіnen quralǵan jınaq kіtaptarynyń tusaýy kesіldі.
Stýdent jastarǵa arnalǵan «Ilııas álemі» festıvalіnde jyr músháırasy, mánerlep oqý, sahnalyq qoıylym boıynsha saıys óttі. Oǵan elіmіzdіń joǵary oqý oryndarynan jáne kolledjderden 100-ge jýyq stýdent qatysty.