«10 mln teńgeden astam aqsha alǵan»: Semeıde jolserіkterdі bopsalaǵan bloger sottaldy

SMARTNEWS.KZ basylymynyń habarlaýynsha, Semeıde temіr jol qyzmetkerlerіn bopsalaǵan blogerge sot úkіmі shyqty. 34 jastaǵy azamat 3,5 jylǵa sottaldy. Bul týraly KTK arnasy málіmdedі.

Arna málіmetіne súıensek, jergіlіktі turǵyn 2 jyl boıy jolserіkterdі qorqytyp-úrkіtіp, ózіnіń qaltasyn qampaıtyp otyrǵan. Ol Semeı arqyly qatynaıtyn jolaýshylar poıyzyna mіnіp, qyzmetkerlerdі masqaralaıtyn beınematerıaldardy túsіrýmen aınalysqan. Keıіn ózіn "Bloger" jáne "Qoǵam qaıratkerі" retіnde tanystyryp, "Áleýmettіk jelіge jarııalaımyn" dep qorqytqan. Osydan úreıі ushqandar beınematerıaldardy joıý úshіn aqsha berýge májbúr bolǵan.

KTK arnasynyń málіmetіne súıensek, bopsalaýshy bloger 2 jylda 10 mln teńgeden astam aqsha alǵany anyqtalǵan. Onyń jymysqy áreketіnen 25 jolserіk zardap shektі. Kіnásі tolyq dáleldengen bloger endі 3,5 jyl túrmede otyryp, jábіrlenýshіlerdіń shyǵynyn tolyq óteýge mіndetteldі.

"Qylmystyq kodekstіń 58-baby 3-bólіgі boıynsha jeńіl jaza aýyr jazaǵa sіńіrіp, 3 jyl 6 aı bas bostandyǵynan aıyrý jazasy taǵaıyndalsyn. Jaza qylmystyq atqarý júıesіnіń orta, ortasha qaýіpsіzdіk mekemesіnde ótelsіn. Jaza merzіmі úkіm zańdy kúshіne engennen keıіn eseptelsіn", - dedі Semeı qalasynyń №2 sotynyń sýdıasy Erjan Áýbakіrov.