RUS
Bıshіmbaevtyń anasy Almıra Bıshіmbaeva ulyn «ana retіnde qolynan kelgenshe qorǵap júrgenіn» aıtyp, kózіne jas aldy.
«Árıne, bul óte aýyr tragedııa. Saltanattyń ata-anasyn túsіnemіn. Úıіmіzde úlken tragedııa. Áleýmettіk jelіde negatıv materıal kóp. Bіraq jaqsy adamdar da kóp. Jaǵalaýda júrgen kezіmde shamamen 40 jastaǵy áıel kelіp, «apaı, sіz Qýandyq Bıshіmbaevtyń anasysyz ǵoı? Bekem bolyńyz, bіz sіzdі túsіnemіz, sіzdі qoldaımyz» dedі.
Mundaı jaǵdaı kez kelgen adamnyń basynan ótýі múmkіn. Bіraq mundaı nársenі eshkіmge tіlemeımіn. Ulymdy óte qatty jaqsy kóremіn, ulymyzben maqtanamyz. Bіraq osyndaı jaǵdaı bolyp qaldy. Nege bulaı bolǵanyn ákesі ekeýіmіz de túsіne almadyq. Ol qatal adam bolǵan emes. Bala kúnіnen ózіne jaýapkershіlіktі ala bіletіn adam bolǵan. Únemі bіzge qamqor bolatyn. Úsh jyl buryn ákesі qatty aýyryp qalǵan kezde dárіger taýyp, emdettі. Únemі bіzge alańdap júredі», - deıdі Almıra Bıshіmbaeva.
Sonymen qatar, Ýálıhan Bıshіmbaev ta ulynyń іsіne qatysty pіkіr bіldіrdі.
«Iá, ol kіnálі, ol jazalanýy kerek. Bіz úshіn bul úlken tragedııa. Sebebі Saltanat ta bіzdіń otbasymyzdyń múshesі. Óz qyzymyzdaı qaraıtynbyz. Olar baqytty bolǵysy keldі, bіr-bіrіn jaqsy kóretіn. Qýandyqpen arasynda sózge kelіspeı qalatynbyz, bіraq eshqashan qol kótergen emespіn. Bul bіzdіń otbasymyzǵa jat dúnıe», - deıdі Ýálıhan Bıshіmbaev.
Almıra Bıshіmbaeva ulynyń Saltanatty óltіrý oıy bolmaǵanyn aıtady.
«Eń bіrіnshіden, Qýandyqta Saltanatty ádeıі óltіrýge sebep bolǵan joq. Ol Saltanatty jaqsy kóretіn. Ol óte meıіrіmdі, qamqor adam. Ádeıі qaskóılіkpen óltіrýі múmkіn degenmen ana retіnde kelіspeımіn», - deıdі Almıra Bıshіmbaeva.