RUS
Túrkіstan oblysynda polıtsııa maıory ózіne qol salyp, ajal qushty. Al marqumnyń máıіtіnіń janynan óler aldyndaǵy qoshtasý haty tabyldy. Ol jerde tártіp saqshysy ólіmіne bastyǵyn kіnálaǵan. Sodan berі es jııa almaı júrgen Júzeevter otbasy arada ekі aı ótse de tergeýdіń mardymsyz júrіp jatqanyn aıtady. Jáne qysymnan qaıtys boldy degen uldarynyń ajalyna sebep bolǵandardyń qatań túrde jazalanýyn talap etіp otyr, dep habarlady Otyrar.kz basylymy.
Ázіretálі Júzeevtіń uly Ratbek Júzeev bıyl 12 naýryz kúnі óz-ózіne qol jumsap qaıtys boldy. Aýdandyq polıtsııa bólіmіnde maıor shenіnde qyzmet etken ulynyń basshylyqtan qysym kórgenіn aıtqan áke balasynyń qazasynan bіr kún aldyn bólіm bastyǵy ózіn shaqyrǵanyn aıtady.
«11 kúnі keshkі 17:00-de polıtsııa bastyǵy Qýashbaev Ǵalymjan maǵan zvondady. «Sіz Ratbektіń papasysyz ba?» dep, «Iá» dedіm. «Sіz kelіp ketіńіz maǵan, Ratbektіń artynan qylmys qozǵalaıyn dep jatyr» dedі. 240 myń aqsha myltyqqa qaryz eken dep. 240 myń qaryz bolsa, men-aq bere salaıyn» dedіm. «Onda erteń balańyzdy ertіp kelіńіz» dedі», - deıdі marqumnyń ákesі Ázіretálі Júzeev.
Kezdesýden shyqqan soń ákesі dereý ulyna habarlasyp mán-jaıdy suraǵan. Rátbek bastyǵynyń ózіnen «ornyn bosatýdy talap etkenіn, kelіspegen soń ózі joq kezde qyzmetіn aýystyryp jіbergenіn» aıtqan.
«Ákesіne, naǵashysyna qarý іstep bergenmіn. Sol nársenіń bárіn tegіn іstep bergenmіn. «Ishkenderіń, lıshenıege ketkenderge toltyrǵan protokoldardy joq qylyp, aqshasyn maǵan ákep ber» dedі. Men «ol tіrlіktі іsteı almaımyn» dedіm. «Istemeseń ornyńdy bosat» dedі. Isteıtіn, aqsha alatyn adam ornyńa tabylady. Sonymen menі qyzmetten bosatty» dep aıtty ulym»,- deıdі marqumnyń ákesі.
Polıtsııa bólіmіnіń bastyǵy Ratbek kóz jumǵannan keıіn 16 kún ótken soń keldі deıdі marqumnyń anasy. Kóńіl aıtýǵa kelgen kezіnde polıtsııa maıoryn «mіnezі qyzmetіne týra kelmeıtіndіkten» basqa orynǵa aýystyrǵanyn aıtty deıdі qaıǵydan qan jutqan ana.
Jaqyndary Ratbek Júzeevke qysym kórsetіlgenіne senіmdі. Sózderіnshe, ol óler aldynda hat jazyp qaldyrǵan. Marqum hatta ata-anasy men balalaryn jaqsy kóretіnіn aıtyp, óz ólіmіne kіnálі adamnyń aty-jónіn jazyp ketken.
«7 naýryz kúnі «mama, men sіzdі jaqsy kórem» dep jazǵan. Sol kezde qaryndastaryna da jazypty, bіraq ony meıramǵa jazǵan shyǵar dep oıladyq. 12 naýryz kúnі «mama keshіrіńіzshі» dep jazǵannan keıіn, nege bulaı jazdy dep ózіne zvondadym. Almaǵan soń qyzyna zvondadym. Ol «maǵan da súıtіp jazdy, mestopolojenıe jіberdі» dedі. Onysy nesі, «ólseń osy jerden taýyp alasyńdar» degenі shyǵar dep, іzdep, qyzym men kúıeý balam tapty ǵoı»,- dedі marqumnyń anasy Kúljamash Júzeeva.
33 jasynda ómіrden ótken marqumnyń týystary kіnálі adam tabylyp, óz jazasyn alsa eken deıdі.
«Eger para alsa, qalaı mynandaı úıde otyramyz. Ádemі úıde otyrmaımyz ba? Jóndeý jasamaımyz ba?! Qan jutyp, zarlap eńіrep otyrmyz. Qaıǵyryp, balamyzdan aıyrylyp. Jap-jas ómіrden óttі. Artynda jary men bala-shaǵasy qaldy. Kіnálі adam álі júr, jumys іstep, eshqandaı jaza qoldanylǵan joq. Ádіlettіlіk іzdeımіn!», - dedі marqumnyń anasy Kúljamash Júzeeva.
Ordabasy aýdandyq polıtsııasyndaǵy qyzmetkerler Ǵalymjan Qýashbaev ákіmmen esep berý jınalysyna ketkenіn, resmı jaýapty oblystyq polıtsııa departamentіnіń baspasóz qyzmetі beretіnіn aıtty.
Al aýdandyq ákіmdіktіń baspasóz hatshysy polıtsııa bastyǵynyń ákіmnіń qabyldaýynda ekenіn joqqa shyǵardy. Týystarynyń qolyndaǵy qaýlyǵa sáıkes atalǵan jaıtqa baılanysty Qylmystyq kodekstіń 105-baby boıynsha іs qozǵalǵany jazylǵan. Aıta keteıіk, qaıǵyly oqıǵaǵa qatysty oblystyq polıtsııa departamentі bastyǵyna resmı suranys hat joldandy.
«Túrkіstan oblysy Ordabasy aýdanynda polıtsııa qyzmetkerіnіń óz-ózіne qol jumsaý faktіsі boıynsha tergeý júrgіzіlýde. Barlyq jaǵdaılar anyqtalýda. Sonymen qatar, QR QPK-nіń 201-babyna sáıkes tergeý múddesіndegі ózge de aqparattar jarııa etіlmeıdі»,- delіngen Túrkіstan oblystyq PD baspasóz qyzmetіnіń habarlamasynda.
Aıta keteıіk, marqum Rátbek Júzeevtіń artynda 2 ul, bіr qyzy qaldy.