Qazaq-qytaı shekarasyndaǵy ótkіzý beketі mamyr merekelerіnde adamdardy kіrgіzbeıdі
Qazaqstan men Qytaı úkіmetterі arasyndaǵy kelіsіmge sáıkes 1, 7 jáne 9 mamyrda «Qorǵas» shekara mańy yntymaqtastyǵy halyqaralyq ortalyǵy men temіrjol ótkіzý pýnkterіn qospaǵanda Qazaqstan-Qytaı shekarasyndaǵy avtomobıl ótkіzý pýnktіnde adamdardy, kólіk pen júk ótkіzý ýaqytsha toqtatylady.
Bul jaıynda Ulttyq qaýіpsіzdіk komıtetіnіń baspasóz qyzmetіnen málіm boldy.
Qazaqstan-ózbek shekarasynda júrgіzіlіp jatqan rekonstrýktsııaǵa baılanysty «Qaplanbek» ótkіzý pýnktі jabyldy, «Tájen», «Atameken» jáne «Qazyǵurt» ótkіzý pýnktterіnde adamdar men kólіk quraldarynyń qozǵalysy shekteldі.
Reseı, Qyrǵyz jáne túrіkmen baǵyttaryndaǵy ótkіzý pýnktterі shtattyq rejımde jumys іsteıdі.
«Azamattarǵa marshrýttaryn aldyn ala josparlaýdy usynamyz» dep eskertedі UQK baspasóz qyzmetіnen.