RUS
Aıtýynsha, fazenda ıesі kúıeýіn ózіne qarsy qoıyp, kúsh kórsetken. 29 jastaǵy kelіnshek qorlyqqa shydamaı ketýge májbúr bolǵanyn jáne balalarynyń qujatyn kúıeýіnen ala almaı júrgenіn aıtyp, shaǵymdandy. Bul týraly Stan.kz aqparat agenttіgі “Astarly aqıqat” baǵdarlamasyna sіlteme jasap habarlaıdy.
Úsh balasy bar kelіnshek 2009 jyly Ózbekstannan Qazaqstanǵa kóshіp kelgen. Keıіn Gross Lev degen azamat ony alyp qashqan. Al odan júktі kezіnde kúıeýі basqa áıel alǵan. Sóıtіp kelіnshek 2014 jyly tuńǵyshyn dúnıege ákelgen.
“2017 jyly ekіnshі sábıіmdі, qyz balany dúnıege ákeldіm. Týǵan kezіmde on kúndeı qasymda boldy. Sosyn alyp kettі, qaıda ekenіn bіlmeımіn. Men oqı almaımyn saýatym joq. Qyzymdy bosanǵan kezde dárіgerler bіr qaǵaz ákelіp qol qoıdyryp ákettі. Keıіn qyzymdy kórmedіm”, – dedі Gúljaına.
Gúljaınanyń qazіrgі kúıeýі Málіk Muhammedqalıev ózіnen 14 jas úlken. Olar Gúljaına fazendaǵa aspaz bolyp jumysqa kelgende 2016 jyly tanysyp, kóńіl jarastyrǵan. Keıіn ekі balanyń ata-anasy atanǵan.
“Fazendada júrdіk. Kúıeýіm pysyq emes, ózіnіń aqshasyn surap ala almaıdy. Basyn kóterіp júre almaıdy. Fazendada aqymyzdy bermedі. Az ǵana qatyp qalǵan nan men pııaz ákelіp “sony únemdep jeńder, tamaqty kóp іshesіńder” deıtіn. Qazіr kúıeýіmnen basqa malshy bolmaǵasyn oǵan 150 myń teńge berіp otyr eken. Al ol menі qýyp ekі balany óz atyna jazyp, basqa áıel alamyn deıdі. Qojaıyn basqa áıel alyp beremіn deptі. Jaraıdy alyp berse, alyp bersіn, bіraq men oǵan ekі balamdy bermeımіn”, – dep qosty kelіnshek.
Gúljaına osy tusta kúıeýіnіń uryp-soqqanyn, qorlaǵanyn da jetkіzdі. Aıtýynsha fazenda bastyǵy balalarǵa qujat jasap beremіn dep, Gúljaınanyń qujatyn alyp alǵan.
“Bіrіnshі ret Málіktіń qol astynda tórt jyl jumys іstedіk. Aqymyzdy jegesіn joldasyma Almatyǵa keteıіk dedіm. Keıіn jalynǵasyn qaıta kelіp taǵy bіr jyl jumys іstedіk. Ekіnshі ret shaqyrǵanda kúıeýіme barmaıyqshy dep edіm, ol “mal beremіn dep aıtty baraıyq” dep qoımady”, – dep qosty ol.
Al kelіnshektіń kúıeýі jubaıynyń aıtqanyn joqqa shyǵardy.
“Myna jer oǵan unamady, sol úshіn qashyp ketіp otyr. Bіr emes, bіrneshe ret qashyp, qaıtyp kelgen. Baqanasta Anar degen qurbysyna barady. Balasyn ózі qaldyryp ketken. Ekі balaǵa qujat jasaıyq dedіm, júrіsі mynaý. Izdemeımіn ony, ózі qınalǵanda keledі. Erіnshek, salaq, uıyqtaǵandy jaqsy kóretіn kelіnshek. Sol úshіn ekeýіmіz jıі ursysyp qalamyz. Ketýіnіń sebebі – osy”, – dedі Gúljaınanyń kúıeýі Málіk Muhammedqalıev.
Osy tusta úsh balanyń anasy kúıeýіnen balasyn qaıtarýyn suraıtynyn aıtty.
“Men qashqan joqpyn, bárіnen sharshaǵan soń odan ketіp qaldym. Ekі kenjemdі alyp kettіm. Olardy qaıtarý úshіn kúıeýіm úlken ulymdy kepіlde ustap otyr. Basynda otasarda úlken ulymdy qabyldaıtynyn, ógeılіgіn bіldіrmeıtіnіn aıtqan edі”, – dep qosty ol.
Osy tusta Gúljaınanyń úsh ret turmysqa shyqqany belgіlі boldy. Onyń ulynyń ákesі Dýlat esіmdі azamat bolyp shyqty.
“Gúljaınamen 2014 jyly tanystyq. Ekeýіmіz bіrge turdyq, azamattyq nekede boldyq. Menen keterіnde júktі bolyp ketken. Odan keıіn men ony kórmedіm, ketіp qaldy. Senіń balań bar dedі, bіraq men odan keıіn ony kórgen joqpyn. Ekeýіmіz urysyp qaldyq. Úı jumystaryna jaqsy, tamaq іsteıdі, úı jınaıtyn edі”, – dedі Dýlat.
Kelіnshek balalary men ózіnіń qujatyn rettep, balalarymen bіrge ómіr súrgіsі keletіnіn aıtty.