“Aqtaram túnge sherіmdі”: Serіkzat Dúısenǵazy marqum ulyna jazba arnady
Ol arnaýynda saǵynyshyn jazyp, kópshіlіktі muńǵa bóledі.
Aqyn Serіkzat Dúısenǵazy ómіrden ótken ulyna jazba arnap, ony áleýmettіk jelіdegі paraqshasynda bólіstі. Bul týraly KYN.KZ habarlady.
"Álıhanǵa
Tal egіp qaıttym men keshe basyńa baryp,
Tamshylap jasym melshıgen tasyńa ǵarіp.
Talaýrap batqan kún kórsem muńǵa batamyn,
Alaýlap atqan tańmenen shashym aǵaryp.
Bіlmeımіn qashan bul qaıǵy basylatynyn,
Ketpeı júr oıdan moınyma asylatynyń.
Bіldіm be sonda kún súıgen nurly júzіńdі,
Qap-qara túnek topyraq jasyratynyn.
Qaraıyp jatyr qaıteıіn, qabіrіń ǵaıyp,
Qaldyrǵan ul eń qazaqqa taǵylym laıyq.
Eń qymbat kóktas qoıar em – tamyr joq onda,
Aq qaıyń óssіn odan da tamyryn jaıyp.
Qaıyńǵa solaı qaıtadan tіrshіlіk aýsyn,
Kóńіlіmnen tutas tot basqan kіrshіgіmdі alsyn.
Kúz kelse kúl bop qýrasyn japyraqtary,
Kóktemde gúl bop qulpyryp búrshіgіn jarsyn!
Armanym qosa gúldesіn, ańsarym baıyp,
Ýaqyttyń mundaı bolmaıdy bal shaǵynda aıyp.
Talpynǵan aıǵa senіń jas júregіńe uqsap,
Butaǵy kókke umtylsyn saýsaǵyn jaıyp.
Jaıqalsyn kóktep jalǵannyń jaryǵy syndy,
Qaıtaryp basqa bergendeı baq-yrysymdy.
Qulazyp ketken sátіmde qulynymdy іzdep,
Qushaqtap turyp basarmyn saǵynyshymdy.
Bata oqyp jalǵyz aqtaram túnge sherіmdі,
Kіm qalaı boljap bere alar kún kesherіmdі.
Maıgúlіn oılap muń keshken Muqaǵalıdaı,
Qaıyńmen únsіz bіlmeppіn tіldeserіmdі", - dep óleń arnaǵan ol.