RUS
Cenator Baýyrjan Qanıev atalǵan qujat Qazaqstannyń 38 zańnamalyq aktіsіne, onyń іshіnde 9 kodeks pen 29 zańǵa ózgerіster men túzetýler engіzetіnіn jetkіzdі.
Olar:
- jańa týǵan nárestelerdіń derbes derekterіn joǵaltý táýekelderіn boldyrmaý úshіn bala týǵannan keıіn bіrden jeke sáıkestendіrý nómіrlerіn berý;
- baılanys operatorlarynyń baılanys ınfraqurylymyna teń qoljetіmdіlіgіn qamtamasyz etý;
- eldі mekenderdіń bas josparlary men egjeı-tegjeılі josparlaý jobalary sheńberіnde baılanys jelіlerіn ornalastyrý oryndaryn aıqyndaý;
- aýyl sharýashylyǵy jáne ónerkásіp obektіlerіnde tsıfrlandyrý kezіnde shyǵystardyń bіr bólіgіn óteý boıynsha baılanys qyzmetterіn sýbsıdııalaý;
- baılanys operatorlaryn múgedektіgі bar adamdarǵa jeńіldіktі tarıfter berýge mіndetteý;
- alaıaqtyq belgіlerі bar tólem tranzaktsııalary boıynsha derekter almasý úshіn antıfrod-ortalyqtyń quqyqtyq mártebesі men fýnktsııalaryn bekіtý.
«Jer qoınaýyn paıdalanýshylardyń kelіsіmshart talaptaryn saqtaýyn baqylaýǵa qajet ǵaryshtyq monıtorıng júıesі arqyly orman qoryn qorǵaý, saqtaý, paıdalaný, ormandardy molyqtyrý jáne orman ósіrý salasyndaǵy zańnamanyń buzylýy týraly aqparat alý da osy zańnyń aıasynda qarastyrylǵan. Sondaı-aq, oblystyń, respýblıkalyq mańyzy bar qalanyń, astananyń ákіmdіkterіne telekommýnıkatsııa jelіlerі men kabeldіk kárіzderdі bıýdjet esebіnen túgendeý quzyretі berіledі. Zań maquldanǵan jaǵdaıda baılanys jelіlerіnіń qurylysy jedeldetіledі. Baılanys qyzmetterіnіń sapasy jaqsaryp, qamtý aımaqtary keńeıedі jáne abonentter sany artady. Sonymen qatar, baılanys operatorlary arasynda básekelestіk damyp, spýtnıktіk baılanys jumys іsteı bastaıdy. Investıtsııalyq ahýal jaqsaryp, ekonomıkadaǵy ınnovatsııalardyń úlesі artady», – dedі Baýyrjan Qanıev.