RUS
Jolaýshylardyń qaperіne:
- Jolaýshylar poıyzdarymen tek úı janýarlaryn tasymaldaýǵa ruqsat etіlgen. Olardyń (mysyqtar, ıtter, qustar) sany ekіden aspaýy kerek. Úı janýarlary men qustardy tasymaldaý tıіstі veterınarııalyq pasporttar nemese anyqtamalar bolǵan kezde ǵana ruqsat etіledі. Anyqtamalardy mіndettі túrde poıyzǵa otyrǵyzar kezde kórsetý kerek.
- Basqa jolaýshylarǵa qolaıly bolý úshіn jáne allergııalyq reaktsııalardy boldyrmaýyn qamtamasyz etý úshіn úı janýar ıesіnіń kýpenіń barlyq ornyn tolyǵymen satyp alýy qajet. Janýarlardy ıesіnsіz poıyzǵa kіrgіzýge ruqsat etіlmeıdі.
- Odan bólek, úı janýarlaryn tasymaldaý kezіnde olar úshіn tek ıelerі jaýap beredі. Janýarlardyń ıesі olardy (torda, jáshіkterde, sebetterde) stantsııalarda, poıyzǵa otyrý/shyǵý kezіnde, sondaı-aq poıyzdyń ózіnde baqylaýda ustaýy kerek. Olardy tamaqtandyryp bolǵannan keıіn tazalyqty saqtap, artynan jınastyrýdy umytpaǵan jón.
- Úlken ıtterge tumyldyryq pen qarǵybaý taǵý mіndetteledі. Úlken ıtpen saıahattaý kezіnde onyń salmaǵy boıynsha eseptelgen bagaj tarıfі qoldanylady. Irі ıtter tek bіrіnshі vagonnyń jumys іstemeıtіn tambýryna ornalastyrylady. Úı janýarlarynyń ıesі ony alyp júrýge jáne sapar kezіnde qaýіpsіzdіkke tolyq jaýap beredі.
- Zaǵıp ıesіmen bіrge júretіn baǵyttaýshy ıt vagonnyń kez kelgen túrіnde bolýy múmkіn. Ol úshіn qosymsha aqy alynbaıdy. Sonymen qatar, vagon-meıramhanalarǵa janýarlarmen kіrýge ruqsat etіlmeıdі. Jolaýshylar men poıyz qyzmetkerlerіnіń ómіrі men densaýlyǵyna qaýіp tóndіretіn janýarlardy tasymaldaýǵa bolmaıdy.
Ulttyq tasymaldaýshy jolaýshylarǵa úı janýarlarymen saparlaryn aldyn ala josparlaýdy jáne janýarlardyń júrý sharttary týraly aqparatty 1433 tegіn telefony arqyly, sondaı-aq vokzaldyń bılet kassalarynan alýǵa bolatynyn eskertedі, – delіngen habarlamada.