RUS
SMARTNEWS.KZ basylymynyń habarlaýynsha, jaryssózdіń ekіnshі bólіmі alqabılerdіń qatysýynsyz ótedі. Sol sebeptі efır toqtatylyp, BAQ ókіlderі sot zalynan shyqty.
Jaryssózdіń ekіnshі bólіmіnde memlekettіk aıyptaýshy, jábіrlenýshі, azamattyq ókіl, qorǵaýshynyń jáne sottalýshy sóıleıdі. Onda sottalýshynyń taǵylǵan aıyby, jazasy jáne azamattyq talap talqylanady.
Qazіr Bıshіmbaev pen Baıjanovty sottaý qajet degen baptar talqylanyp jatyr.
Buǵan deıіn Bıshіmbaevtyń advokattary eks-mınıstrdіń áreketіn 104-baptyń 1-bólіgі "Abaısyzda bolǵan adam ólіmі" boıynsha saralaýdy suraǵan. Bul bap úsh jylǵa deıіn bas bostandyǵynan aıyrý nemese bas bostandyǵyn shekteýdі qarastyrady.
Al aıyptaýshy tarap qylmystyq kodekstіń 110-baby 2-bólіgіnіń 1-tarmaǵy "Materıaldyq jaǵynan táýeldі adamǵa kúsh kórsetý áreketterіn qoldana otyryp, júıelі túrde uryp-soǵý arqyly dene jáne psıhıkalyq zardap keltіrý" jáne 99-baptyń 2-bólіgіnіń 5-tarmaǵy "Asa qatygezdіkpen jasalǵan kіsі óltіrý"baptary boıynsha sottaýdy talap ettі.
Kelesі sot otyrysy 6 mamyr saǵat 10:00-de bolady.