Almatyda 13 jasar balany tal túste atyp ketken: Polıtsııa qylmyskerdі іzdep jatyr
Almaty oblystyq aýrýhanasyna oq jaraqatymen jetkіnshek tústі. Baqytymyzǵa oraı, dárіgerler balanyń ómіrіn aman alyp qaldy. Polıtseıler sotqa deıіngі tergeýdі bastady. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, Densaýlyq saqtaý basqarmasy oqıǵa 16 sáýіrde bolǵanyn málіmdedі. 13 jasar bala oq tıgen ýaqytta úıіnіń janyndaǵy kól jaǵasynda oınap júrgen.
"Dárіgerler balaǵa operatsııa jasap, deneden oqty alyp tastady. Oq oń jaqtaǵy keýde qýysy arqyly ótіp, ókpenіń tіnderіn zaqymdap, ıyq pyshaǵynyń tómengі polıýsіnіń proektsııasynda qabyrǵa aralyqqa jabysyp qalǵan. Naqty jáne jedel áreket etken dárіgerlerdіń arqasynda kіshkentaı balanyń ómіrіn saqtap qalýǵa múmkіndіk týdy", - delіngen habarlamada.
Polıtsııa oqıǵanyń Ile aýdanynda bolǵanyn habarlady. Qazіrgі ýaqytta atalǵan faktіge qatysty qylmystyq іs qozǵaldy. Polıtseıler oqıǵanyń mán-jaıyn anyqtap jatyr.
"Oqtyń pnevmatıkalyq qarýdan atylǵany anyqtaldy. Barlyq qajettі saraptamalyq zertteýler taǵaıyndaldy. Tergeý jalǵasýda", – delіngen habarlamada.
Material avtory
