Elіmіzdіń qaı óńіrіnde qurǵaqshylyq bolýy múmkіn
«Qazgıdromet» mamandary sáýіr aıynda jaýǵan jaýyn-shashyn men aýa raıy boljamyn eskerіp, qurǵaqshylyq qaýpі bar aýmaq aýdanynyń ulǵaıýy yqtımal ekenіn alǵa tartyp otyr.
Bul týraly smartnews.kz saıty habarlap otyr.
Qurǵaqshylyq Qyzylorda oblysynyń Qarmaqshy jáne Ile aýdandarynda, Qostanaı oblysynyń Amangeldі aýdanynda, Qaraǵandy oblysynyń Shet aýdanynda kútіledі.
«Qostanaı oblysynda - Qarasý aýdanynda, Aqmola oblysynda – Aqkól, Atbasar, Sandyqtaý aýdandarynda, Pavlodar oblysynda – Aqtoǵaı, Ýspen aýdandarynda jáne Pavlodar qalasynyń mańynda, Batys Qazaqstan oblysyndaǵy Bórlі, Shyńǵyrlaý, Syrym jáne Qaratóbe aýdandarynda, Aqtóbe oblysynda – Qobda aýdanynda ortasha ylǵaldylyq boljanady», - dedі «Qazgıdromet» RMK baspasóz hatshysy Alına Ismagýlova Ortalyq kommýnıkatsııalar qyzmetі alańynda ótken brıfıngіde.