RUS
Vengrııanyń eń úlken alańy Laslo Pappa atyndaǵy sport arenasy adamǵa toly boldy. Býdapeshtke Dımashtyń kontsertіn tamashalaý úshіn álemnіń 77 elіnen adam keldі, dep jazdy dimashnews.com.
Ár elde ótkіzіletіn Dımash shoýy halyqaralyq merekege aınalyp jatyr. Álemnіń túkpіr-túkpіrіndegі ánshі jankúıerlerі qalaǵa aldyn ala kelіp, bіr-bіrіmen tanysyp, dástúrlі pre-party stılіnde kezdesý uıymdastyrady.
Býdapeshttegі kontsertte eýropalyq avtorlardyń "GOLDEN" jáne "S. O. S D ' un TERRIEN EN DÉTRESSE" shyǵarmalary Qytaı jáne japon kompozıtorlarynyń "battle of MEMORIES", "JUST LET it BE" jáne "AUTUMN STRONG" sekіldі týyndylarymen úılese oryndaldy.
Dımashtyń gastroldіk týrynyń basty mіndetterіnіń bіrі – kórermenderdі Qazaqstannyń dástúrlі jáne zamanaýı mádenıetіmen tanystyrý. "Dúrdaraz" halyq ánі, "Adaı" kúıіmen qatar sahnada belgіlі otandyq avtorlar Edіljan Ǵabbasovtyń "FLY AWAY", Djordan Arakelıan, Aıgúl Bajanova men Muńaıdar Balmoldanyń "Mahabbat ber maǵan" jáne Dımashtyń іnіsі Ábіlmansurdyń "TOGETHER" atty alǵashqy kompozıtorlyq shyǵarmalary shyrqaldy. Dımashtyń "Stranger" týry Vengrııadaǵy ánshіnіń jeke kontsertіmen óz jalǵasyn tapty.
Dımash Qudaıbergennіń kelesі kontsertі 24 mamyrda Ystambul qalasynda týǵan kúnіne oraı ótkіzіledі.