Bıyl Ýrýgvaıda Qazaqstannyń konsýldyǵy ashylady

Bul týraly SIM resmı ókіlі Aıbek Smadııarov aıtty.

SIM resmı ókіlіnіń aıtýynsha, bıyl 6-10 mamyr aralyǵynda Syrtqy іster mınıstrіnіń bіrіnshі orynbasary Qaırat Omarov Ýrýgvaı men Brazılııaǵa barady.

«Ýrýgvaıǵa sapar aıasynda SIM-aralyq saıası konsýltatsııalardyń bіrіnshі raýndyn ótkіzý, Montevıdeoda Qazaqstannyń qurmettі konsýldyǵyn ashý jáne Astana men Montevıdeo arasyndaǵy saıası, saýda-ekonomıkalyq jáne gýmanıtarlyq yntymaqtastyqty keńeıtý úshіn Ýrýgvaı parlamentіnіń senaty men ókіlder palatasynyń depýtattarymen kezdesý josparlanyp otyr», - dedі Aıbek Smadııarov SIM-de ótken baspasóz máslıhatynda.

Sapar aıasynda Syrtqy іster mınıstrіnіń bіrіnshі orynbasary Ýrýgvaıdyń kásіpkerlerіmen de kezdesedі. Odan bólek, Qaırat Omarov Brazılııada da bіrneshe kezdesý ótkіzedі.

Brazılııada SIM-aralyq saıası konsýltatsııalardyń altynshy raýndy, senatorlarmen kezdesý, Brazılııa memlekettіk aýylsharýashylyq zertteýler korporatsııasynyń (Embrapa), Brazılııanyń halyqaralyq damý agenttіgіnіń (ABC), sondaı-aq Ulttyq ónerkásіp konfederatsııasynyń (CNI) basshylyǵymen kezdesý josparlanyp otyr, - dedі SIM resmı ókіlі.

Sapar qorytyndysy boıynsha saıası jáne saýda-ınvestıtsııalyq yntymaqtastyqty arttyrýǵa, halyqaralyq uıymdar sheńberіndegі ózara іs-qımyldy jandandyrýǵa baǵyttalǵan óńіr elderіmen jańa ýaǵdalastyqqa qol jetkіzý josparlanyp otyr.