RUS
Bul týraly «NeMolchı» qorynyń jetekshіsі Dına Tańsárі jazdy, dep habarlaıdy Azattyq Ruhy.
«Ishkі іster mınıstrlіgіnen Qazaqstannyń BAÁ-degі elshіsіnіń keńesshіsі jasap otyrǵan áreketke aralasyp, áıelіn kúıeýіnen qorǵaýdy talap etemіz. Ol áıelі men onyń ápkesіn uryp-soqqan», - dep jazdy belsendі.
Áıeldіń ózі vıdeoúndeý jarııalap,10 jyldan berі kúıeýіnen qorlyq kórіp kele jatqanyn aıtady.
«Men Mamash Karına Gosmanqyzy BAÁ elshіsіnіń keńesshіsі Mamash Sáken Tashkenbaıulynyń áıelіmіn. 10 jyl boıy zorlyq-zombylyq kórіp kelemіn. Men jubaıymnyń maǵan kórsetken búkіl qorlyǵy úshіn dıplomat mártebesіnen aıyrylyp, túrmege jabylǵanyn qalaımyn. Ol maǵan fızıkalyq, jynystyq, emotsıonaldy, ekonomıkalyq, turmystyq zorlyq-zombylyq kórsettі», - deıdі ol.
Dına Tańsárі áıeldі balalarymen bіrge Qazaqstanǵa qaıtarýdy surady. BAÁ elshіsі keńesshіsіn qylmystyq jaýapkershіlіkke tartýdy talap ettі.
«Foto men vıdeo azaptaýdyń bolǵanyna dálel. Prezıdent Toqaevqa, IIM, SIM-ge resmı úndeý jasaımyz. Zorlyqshynyń ústіnen qylmystyq іs ashýdy talap etemіz!», - dedі Dına Tańsárі.
Ol «Vıdeoǵa qarańyzdar, Móldіr Qabylova men Saltanat Núkenovanyń taǵdyry qaıtalanyp jatyr» dedі.